ÂTHAONA 36:8 - Mara Bible RV (BSI)

⁸ Chavâta Esaw cha Seirâ tlâh râh liata a pahrâ haw. Esaw cha Edômâ a châ.

ÂTHAONA 36:8 ပူးပေါင်းရင်းမြစ်များ

ÂTHAONA 14:6

Hôri mo chhao ta ama yna Seirâ Tlâh tawhta râhchawhpa kiapâh liata a ypa Elpârâ taihta ama thie lymâ.

ÂTHAONA 25:30

Zakaw hnohta, “Ei tha chhâ ngaita ta, ngiachhiepa ta abie saihpa pati na chhopa kha na paniesa teh” tah ta. Chavâta Esaw cha a moh Edômâ bipa a châ.

ÂTHAONA 32:3

Zakaw ta Edômâ râh Seirâ tlâh liata a pahrâpa a uhta Esaw lâta lyuhchâpazy pasiesa chhielie ta.

ÂTHAONA 32:4

Lyuhchâpazy cha biepie ta, ama hnohta, “Ei zibeipa Esaw hnohta, ‘Châ chakaotuhpa Zakaw ta hetana heta a tah: Lâbâ o liata khichhaipa châpa ta, tahmâ taihta y na ta.

ÂTHAONA 36:1

Hezy he Esaw pathlazy ama châ. Esaw cha Edômâ a châ.

ÂTHAONA 36:43

Bei Mâdie nata Bei Irâmâ zy châ ei ta, âmo cha ama ryuto râh liata ama pahrâna lymâ hawhta Edômâ beizy ama châ. Edômâ paw cha Esaw châ ta, Esaw cha Edômâ mozy pathlatuhpa a châ.

ÂTHAONA 36:9

Hezy he Seirâ tlâh râh liata Edômâ mo pathlatuhpa Esaw pathlazy cha ama châ.

1 THÂTIHZYRONA 4:42

Simeôna pathlazy hry tawhta chyhsa za pangawh cha, Isi sawchapawpa Pelatiah, Niariah, Rephiah nata Uzie zy chhihthana ry liata Seirâ Tlâh lâ sie ei ta.

2 THÂTIHZYRONA 20:10

Tahmâ he moh tua, Izarei sawzy Izi râh tawhta ama kaw pua nota a dyuh awpa na pasai leipa vâta chahrih ei ta ama pahleipadia leipa Amawna mo, Môabâ mo nata Seirâ Tlâh mozy ta

2 THÂTIHZYRONA 20:23

Amawna mo nata Môabâ mo ta Seirâ Tlâh liata a pahrâpazy cha pahleipadia khai a chhuah ei ta, Seirâ mo ama pamua khai nahta, âmo nata âmo a pahleipadia a chhuahpa ta amâ dyuh lymâ.

ZEREMIAH 40:11

Cha hawhna hra chata, Babylaw bei ta Zudâh phopi laibâhpazy siesai ta, ama chô liata ryureituhpa châta Sâphâ sawchapawpa Ahikâ sawchapawpa Kedaliah a taopa thâtih cha, Zu chyhsa Môabâ râh liata a pahrâpazy, Amawna mo hry liata a pahrâpazy, Edômâ râh liata nata râh hropazy liata a pahrâpazy ta ama thei nahta,

ÔBADIA 1:1

He biezy he Ôbadia aluahna châ ta, Abeipa Zehôvâh ta Edômâ kyh liata a reipa biezy a châ: Abeipa tawhta bie thei pi ta, Phopizy hry liata lyuhchâpa tuapa a châ; “Thyu teh u, Edômâ a dyuh ei suh u!” Tahpa ta ama pahrua.

ÔBADIA 1:3

Nâ lôpanô keina liata y chi ta, Su sâhpa liata pahrâpa ta, “Ahy ma alei lâ nâ pathla thei aw?” Na palôh liata a tahtuhpa y, Na palôh laina ta a cha dôvei haw.

MALAKHAI 1:3

Esaw deikua cha ei hao. A tlâhpizy roryhrapa ta soh na ta, a ryutozy cha râhchawhpa savaizy ei pie ha ei,” Abeipa ta a tah.

RYHPACHANEINA 2:22

Cha hawhna chata Abeipa ta Seirâ liata a pahrâpa Esaw pathlazy châta chhao tao hra ta, Esaw pathlazy hmiakô liata Hôri mo cha pahleipadia ta, Esaw pathlazy ta Hôri mo cha pho ei ta, tanoh taihta ama râh liata ama pahrâ.

RYHPACHANEINA 2:4

Zawpi biepie la, ama hnohta, “Seirâ liata a pahrâpa Esaw pathla nama unawhzy râh nama sie pahlie bâ aw. Cha chi kaw aw ei ta, chavâta a sohsi kaw muh vy.

RYHPACHANEINA 2:5

Âmo cha a dyuh khuh vy. Ama râh cha phei tlyna khi dâhdei chhao cha pie aw veih ei na. Seirâ Tlâh cha Esaw hnohta a pahrâ nawpa ta ei piepa a châ.

ZAWSUA 24:4

Aisika hnohta Zakaw nata Esaw pie na ta. Esaw cha a ryuto châta Seirâ tlâh râh ei pie. Zakaw nata a sawzy cha Izi râh lâ zu ei ta.

1 SAMUELA 14:47

Sawla cha Izarei bei a châ nahta, su to liata a chariahpazy cha a dyuh lymâ ta. Môabâ, Amawna mo, Edômâ, Zôbâ beizy nata Philistinâ mo zy a dyuh ta, â heina lâ maihta pahniena to lymâ ta.