ÂTHAONA 36:6 - Mara Bible RV (BSI)

⁶ Esaw cha a lapinôzy, a sawchapawzy, a sawchanôzy, a o liata a ypa chyhsa zydua nata a sahrohzy, osa zydua nata Kâna râh liata a hneipa zydua puakheipa ta, a unawhpa Zakaw tawhta râh hro lâ sie ta.

ÂTHAONA 36:6 ပူးပေါင်းရင်းမြစ်များ

ÂTHAONA 12:5

Abarâ cha a lapinô Sârai, a nawhta sawchapawpa Lawta, a hneipa zydua nata Harânâ khih liata chyhsa a hneipa zydua a chhi ta, Kâna râh pangaipa ta sie ei ta. Kâna râh ama tlô nahta,

ÂTHAONA 13:11

Lawta cha ano châta Zawdâh bypi zydua a tlyh ta, nochhi lâ pangaipa ta sie ta. Cha hawhna chata Abarâ nata Lawta cha a chhaih ha ei ta.

ÂTHAONA 13:6

Ama hmo hneipa a hluh ngaitapa vâta, su kha liata pahrâ khoh awpa ta râh ta â daih khao leipa vâta, hmaohkha ta pahrâ thei awpa châ khao leipa ei ta.

ÂTHAONA 17:8

Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.

ÂTHAONA 25:23

Abeipa ta a hnohta, “Na chhi chhôh liata râh miano y ta, Na py chhôh tawhta phopi miano a vaw pua aw; Phopi miakha cha ahropa hlâta a thatlô via aw ta, A uhthei viapa ta a seihnai viapa a chakao aw,” tah ta.

ÂTHAONA 28:4

Na khichhai châna râh, Khazohpa ta Abarahâ hnohta a piepa râh he, ryuto châta na hnei thei nawpa ta, Abarahâ byhnâ cha, Khazohpa Atotaotheipa ta nâ nata na hnohta a ypa na pathlazy hnohta cha pie mawh ei sy,” tah ta.

ÂTHAONA 32:3

Zakaw ta Edômâ râh Seirâ tlâh liata a pahrâpa a uhta Esaw lâta lyuhchâpazy pasiesa chhielie ta.

ÂTHAONA 36:5

Ôhôlibâmâ ta Zusa, Zalâ nata Kôrâ zy a sa. Chazy cha Esaw ta Kâna râh liata a sapa a sawchapawzy ama châ.

EZEKIA 27:13

Zavâ mo, Tubâ mo nata Mese mozy chhao ta châ daoh ei ta, chyhsapa nata dawh chhaichhizy ta na hmobaohzy ama cha ri tyh.

BIEPHUAH 18:13

lôiasohpa, ia-ô, ropahâhpa raopa, myrâ, sathaw ropahâhpa, kresawhti, sathaw, viahdie dipa, âtâ sâh, viahchao nata mietaku, arâ nata talailih zy nata sei ta chyhsa hrona ama zuapazy a chalei awpa y khao veih ei.