ÂTHAONA 35:4 - Mara Bible RV (BSI)

⁴ Chatanachata râh hropa khazoh ama ku liata a ypa zydua nata ama nah liata rahy amâ bapa zydua cha Zakaw pie ei ta, Zakaw ta Sekhe kiapâh ôkâ tho ry liata pabu ta.

ÂTHAONA 35:4 ပူးပေါင်းရင်းမြစ်များ

ÂTHAONA 12:6

Abarâ cha râh chahryh ta, Sekhe su liata Môre thokô laipa taihta chahryh ta. Cha daihti liata, cha râh liata a pahrâpazy cha Kâna mozy ama châ.

ÂTHAONA 35:3

Thyu sih la, Khazohpa o lâ khy ei suh u. Ei nôpo nota nâ chhy ta, ei siena liata ei hnohta a y lymâpa Khazohpa châta maisâh ei tao aw,” tah ta.

ÂTHAONA 35:5

Chatawhcha sie ei ta, Khazohpa chichhihna ta ama chheipâh khihzy cha bie khai ha ta, Zakaw sawchapawzy cha a chadai veih ei.

PUASAINA 32:20

Viahchaotaw nothlahpa ama taopa cha la ta, mei ta rao ta, a dina taihta charo ta, a paohpa ti liata hie ta, Izarei sawzy padosa ta.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

ISAI 30:22

Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

HÔSIA 2:13

Bâlâzy â chhy tyhna nohzy vâta, Ano cha ei hrie aw. Bâlâzy lâta ropahâhpazy hlâ ta, Rahyzy nata lôsôhpazy ta a tobipa ta A khopawzy pazi ta, Kei deikua cha eina my haw,” Abeipa ta a tah.

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

RYHPACHANEINA 7:5

Hetana heta ama chô liata nama tao aw: Ama maisâhzy pacho aw ei chi ta, ama lôbôzy nama pakei aw. Ama Aseri tôhzy thlu aw ei chi ta, ama khazoh nothlahpazy mei ta nama rao khai aw.

RYUREITUHPAZY 9:6

Chatawhcha Sekhe khih nôpaw zydua nata Bemilô khih nôpaw zydua a pahmaoh ei ta, vawh ei ta, Abimele cha Sekhe lôbô kiapâh ta ôkâ tho ry liata bei ta tao ei ta.