ÂTHAONA 35:3 - Mara Bible RV (BSI)

³ Thyu sih la, Khazohpa o lâ khy ei suh u. Ei nôpo nota nâ chhy ta, ei siena liata ei hnohta a y lymâpa Khazohpa châta maisâh ei tao aw,” tah ta.

ÂTHAONA 35:3 ပူးပေါင်းရင်းမြစ်များ

ÂTHAONA 28:15

Pachâ teh, na hnohta ei y. Na siena maihta cha vaih lymâ aw na ta, he râh lâ he ei châ vaw chhi heih aw. Na hnohta bie ei taihpa he, ei patlô hlâlei cha, cha siesai cheita aw va na,” tah ta.

ÂTHAONA 31:3

Abeipa ta Zakaw hnohta, “Châ pathlatuhpazy râh, na chiheihzy yna râh lâ kua heih mah y. Na hnohta ei y lymâ aw,” tah ta.

ÂTHAONA 31:42

Nâ pathlatuhpa Khazohpa, Abarahâ Khazohpa nata Aisika China zy ta ei chhâh nâ châh vei chhochhi mawh sala, ku ruapa ta eina pasiesa hmeiseih thlâh ha aw chi. Khazohpa ta ei rietheizie nata ei ku hriapasaziezy hmô ta, zâhnia zâ ta a cha chhoreipa a châ chuh,” tah ta.

ÂTHAONA 32:24

Zakaw cha ano dei ta siesaipa châ ta. Chyhsa pakha ta ano cha azozâkhihdei ta a pia ta.

ÂTHAONA 32:7

Zakaw cha chipa ta a nôpo ngaita ta. A hnohta chyhsa a ypazy, mietaku zawzy, viahchao zawzy nata râraoseihpazy cha py no ta pachhaih ta.

ÂTHAONA 35:4

Chatanachata râh hropa khazoh ama ku liata a ypa zydua nata ama nah liata rahy amâ bapa zydua cha Zakaw pie ei ta, Zakaw ta Sekhe kiapâh ôkâ tho ry liata pabu ta.

ÂTHAONA 35:7

Cha liata maisâh tao ta, a unawhpa tawhta â râ nota Khazohpa a hnohta â luahna su a châpa vâta, a moh ta Elbethel a bi.

ÂTHAONA 48:15

Zawsi cha byhnâ awpa ta, “Nâ pathlatuhpa Abarahâ nata Aisika zy ta A hmiakô liata ama y tyhpa Khazohpa, Ei hroh chhôh zydua ta na vaih ta, Tanoh taihta nâ vaituhpa Khazohpa,

HLAZY 107:6

Chatawhcha nôpopa ta Abeipa pado ei ta, Abeipa ta pachârôhna tawhta a pachha ei.

HLAZY 107:8

A kyhpachâna tleih beih leipa vâta, Abeipa cha reithai ei sala; Chyhsa sawzy châta a hmotao noâhpazy vâta, Abeipa cha reithai mawh ei sy!

HLAZY 46:1

Khazohpa cha eimâ bohna nata thatlôna châ ta, Nôpona daihti liata baotuhpa a hnia thlâh hapa a châ.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

BIESOZY 3:6

Na lâpi zydua ano pahnosa lymâ la, Na lâpizy a patlâsa lymâ aw.

ISAI 30:19

Hy Zerusale liata a pahrâpa Zaio phopi y, cha khao aw va chi. Na awna ao vâta Abeipa ta cha ngiachhie tlai aw ta, a theipa nahta, a cha chyh-ei aw.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

1 SAMUELA 10:3

Cha tawhna chata sie lymâ aw chi ta, Tabaw liata ôkâ thokô tlôna taihta na sie aw. Cha liata chyhsa pathôh, Bethel liata Khazohpa lâ a khypazy ta ama châ tyh aw. Pakha ta mietaw pô thôh phaoh aw ta, pakha ta viahchhâ tlâ thôh phaoh aw ta, pakha ta kresawhti ôh kha a phaoh aw.