ÂTHAONA 35:2 - Mara Bible RV (BSI)

² Chatawhcha Zakaw ta a chhôhkha nata a hnohta a ypa zydua hnohta, “Nama hry liata râh hropa khazohzy kha thy khai u la, a pathai u la, nama chysia a patly teh u.

ÂTHAONA 35:2 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

ÂTHAONA 31:19

Mietaku hmi ngyu awpa ta Lâbâ a sie chhôh ta, Râkheli ta a paw khazoh nothlahpa paru ta.

ÂTHAONA 31:30

Na paw o na vâ ngaitapa vâta na sie hapa chhao ta, khazia ei khazohzy eina parupa chi?” tah ta.

ÂTHAONA 31:34

Râkheli ta khazoh nothlahpazy kha a vaw la hapa châ ta, râraoseihpa kypadia chhôh liata soh ta, a tyuhnie ha ta. Lâbâ ta poh o chhôh zydua cha hrao khai ha ta, châhrasala khazoh nothlahpazy cha hmô leipa ta.

ÂTHAONA 34:2

Cha râh bei Hivi chyhsa Hamô sawchapawpa Sekhe ta vaw hmô ta, patu ta, a ziakhei ta, a noh pazao ha ta.

ÂTHAONA 35:22

Cha râh liata Izarei a y nota, Rubena cha vawh ta, a paw nôtho Bilhâ a ziakhei ta. Izarei ta cha cha pahno ha ta. Zakaw cha sawchapaw pahrawh hleino hnei ta.

2 SAMUELA 7:23

Na phopi Izarei hawhpa he alei chô liata khâpa phopi ma a y? Khazohpa ta a moh rônah nawpa ta phopi miakha a tlyh ta, ano phopi ta tao awpa ta, sie ta a kei chatlaipa phopi ahy ma a y? Na phopi châ awpa ta Izi tawhta na chatlaipa, ama châta hmo rônahpa nata rarôh ypa taopa ta, ama hmiakô tawhta phopi nata a khazohzy na papuapa phopi ahy ma a y?

2 ABEIZY 17:29

Châhrasala phopi to ta ama khazoh chyu a tao pyly ei ta, Samâri chyhsazy ta su sâhpazy liata achhyna su ama taopazy liata soh ei ta, cha hawhna chata phopi to ta ama pahrâna khihpizy liata tao ei ta.

2 ABEIZY 5:10

Elaisâh ta ano lâ lyuhchâpa tuah ta, a hnohta, “Vawh la, Zawdâh chavah liata ei sari a kei ny la, na sapa ualuapa ta y heih aw ta, na vaw pathaih ha aw,” tah ta.

1 THÂTIHZYRONA 16:26

Phopizy khazoh zydua cha nothlahpazy dei châ ei ta, Abeipa deikua cha avâzy a taotuhpa a châ.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

HLAZY 51:2

Ei paraona tawhta liahsa na pasi la, Ei moleina tawhta na pathaisa mah y!

HLAZY 51:7

Hisaw ta na pathai la, Ei pathaih aw; Na pasi la, Dâhaw hlâta ei ngyuh via aw.

PUASAINA 19:10

Abeipa ta Mawsi hnohta, “Zawpi lâ vawh la, âmo cha tanoh nata mylâ kei pathaisa mah y. Ama chysiazy pasu ei sala,

PUASAINA 19:14

Mawsi cha tlâh tawhta zawpi lâ zu ta, zawpi cha pathaisa ta. Ama chysiazy pasu ei ta.

PUASAINA 23:13

Nama hnohta ei reipa zydua he pachâ u la, khazoh hropazy moh rai reih leipa u la, na pakah tawhta a pua rai ta pua khah sy.

BIECHHOTUHPA 5:1

Khazohpa o lâ na pangai nota na phei a phapa ta vaih mah y. Ahrupazy atheihna hlâpa hlâta bie nathlie awpa ta a hniapa a pha via, ahrupazy cha khâpa ma ama tao tahpa ama pahno leipa vâta.

ISAI 1:16

Nama ngai a sipa ta a pathai u la, Hmo moleipa nama taopazy ei mohmô tawhta pahlei teh u; Hmo pha leipa tao khao leipa u la,

ISAI 52:11

Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

ZEREMIAH 13:27

Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”

ZEREMIAH 16:20

Chyhsapa ta anosasyh ta a khazohzy â tao thei ma? Chazy cha khazoh châ veih ei.”

ZEREMIAH 5:7

“Kheihta ma ei châ ngiahthai thei aw? Na sawzy ta na siesai ei ta, Khazoh a châ leipazy moh reipa ta bie amâ taih hapa cha. Ama rihbiena taihta ei pasapa chhao ei ta, Nâ pheisai pyly ei ta, Âzuahnôzy o lâ a hripi ta ama ngai tyh.

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

EZEKIA 20:7

Ama hnohta, ‘Chyhsa to nama mo liata nama pasô kawpa hmo pasichhihpazy thy u la, Izi râh khazoh nothlahpazy ta a papuapalei khuh vy. Kei he Abeipa nama Khazohpa ei châ,’ tahpa ta ei chho ei.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

DÂNIAH 5:4

Kresawhti cha doh ei ta, ngôh, tâkâ, dawh, thua, tho nata alô khazohzy reithai ei ta.

THEIHTHAINA 15:5

A rakhô a hriapa cha a chysiazy pasu aw ta, ti liata a ngai a si aw ta, zâlâ taih pathaih leipa a châ aw.

THEIHTHAINA 17:16

A chysiazy pasu leipa sala, a ngai â si vei khiahta cha, a paraona maoh a phaoh aw,” tah ta.

MALUHREINA 31:24

Noh sarina noh ta nama chysiazy pasu aw ei chi ta, chatanachata nama pathaih ha aw. Cha khai tawhta riehmo lâ namâ ngia thei aw,” tah ta.

HMOTAOPAZY 19:26

Ephesi lia dei châ leipa ta, Asia râh zydua rô ta, he Pawla heta ku ta taopa khazohzy cha khazoh châ veih ei, tahpa ta chyhsa hluhpi pahnie ta, a patleisa khaipa kyh cha, nâmo chhao hmô ei chi ta, nama theipa a châ.

1 KAWRINI 10:7

“Niedoh awpa ta zawpi a tyuh ei ta, lâ awpa ta ama thyu,” tahpa ropa hawhta, âmo hawhta nothlahpa a chhy hra khuh vy.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

KALATIA 4:8

Khazohpa nama pahno vei nona kha, ama pizie rai chhao ta khazoh a châ leipazy sei ta y ei chi ta.

RYHPACHANEINA 11:28

Abeipa nama Khazohpa biepiepazy cha zyh leipa ta, tanoh ta bie ei cha piepa ei he tleisaipa ta, nama pahno beih leipa khazoh hropazy nama pazi khiah deikua cha, chhiesana a châ aw.

RYHPACHANEINA 32:16

Chihropa khazohzy ta a hia patliasa ei ta, Pasichhihpazy taopa ta a hie ama pahâh.

RYHPACHANEINA 5:7

“Keima leipa ta khazoh hropazy na hnei awpa châ vei.

RYHPACHANEINA 6:14

Khazoh hropa, nama chheipâh liata a ypa chihropa khazohzy namâ chhy awpa châ vei.

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

ZÂMIE 4:8

Khazohpa a hnia u la, ano chhao a châ hnia aw ei. Nâmo, moleipa saih u, nama kuzy a si u la, palôh a zawvawpa saih u, nama palôhzy pathai teh u.

ZAWSUA 23:7

Nama hry liata a ypa phopizy a kao leipa u la, ama khazohzy moh pado khuh vy. Ama khazohzy moh ta bie a taih leipa u la, cha khazohzy cha chakao leipa u la, a chhy khuh vy.

ZAWSUA 24:14

“‘Chavâta Abeipa cha chi u la, hmeiseihpa nata â do ngaitapa ta ano cha chakao muh vy. Châ pathlatuhpazy ta Chavah haosâ nata Izi râh liata ama chakao tyhpa khazohzy kha thy khai u la, Abeipa chakao muh vy.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.

ZAWSUA 24:2

Zawsua ta zawpi zydua hnohta, “Zehôvah, Izarei Khazohpa ta hetana heta a tah: ‘Châ pathlatuhpazy, Abarahâ nata Nâhaw paw Terâ tlai chhao kha, hlâno cha Ufrâti chavah khô lâ râh liata pahrâ tyh ei ta, khazoh hropazy ama chakao tyh.

ZAWSUA 24:20

Abeipa siesaipa ta râh hropa khazohzy nama chakao khiahta cha, nama chô liata hmo phapa a vaw tao hapa chhao ta, châ heihnaohpa ta hmo pha leipa ta cha thô aw ei ta, a cha pahleipadia aw ei,” tah ta.

ZAWSUA 24:23

Zawsua ta, “Chata a châ khiahta cha, nama hry liata chihropa khazoh a ypazy kha thy khai u la, Abeipa Izarei Khazohpa lâta nama pathipalôh pahei teh u,” tah ta.

ZUDÂH 1:23

mohropazy mei tawhta chhu u la, pachha teh u. Ahropazy chhao china chôta thapasa u la, sapa moleina a baipa chyhsiazy taih a hao teh u.

RYUREITUHPAZY 10:16

Chatanachata ama hry liata râh hropa khazohzy thypa ta, Abeipa cha chakao ei ta. Izarei nôpona cha Abeipa ta taokhei ngaita ta.

RUTHI 1:15

Naomi ta, “Moh teh, na narônô cha a chiheihzy lâta nata a khazohzy lâta a kua ha huh, nâ chhao na narônô hao pazi la kua ha hra mah y,” tah ta.

1 SAMUELA 16:5

Ano ta, “Thlalôhna bie na ei vaw tlôkhei. Abeipa lâta atheihna hlâ awpa ta ei vy. A pathai u la, atheihna hlâna lâ a vy teh u,” tah ta. Zese nata a sawchapawzy cha pathaisa ta, atheihna hlâna liata a hlao awpa ta âmo cha hrua ta.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.