ÂTHAONA 35:18 - Mara Bible RV (BSI)

¹⁸ Chatawhcha Râkheli cha thi ha ta, a thlahpa a pathlie hai nota, a moh Benôni tahpa ta kaw reih ta, châhrasala a paw ta Benzami tahpa ta a moh a bi.

ÂTHAONA 35:18 ပူးပေါင်းရင်းမြစ်များ

ÂTHAONA 30:1

Râkheli ta Zakaw châta saw a sapa leipa â pahno nahta, a narônô cha uahva kaw ta. Zakaw hnohta, “Saw na pie teh, chataleipatala ei thi aw,” tah ta.

ÂTHAONA 35:17

Riethei ngaitapa ta saw â zeih hai nota, nawh paytuhpa ta a hnohta, “Chi khah y, sawchapaw hropa na hnei,” tah ta.

ÂTHAONA 35:19

Râkheli cha thi ta, Epharâ lâpi liata ama pabu. Epharâ cha Bethlehe a châ.

ÂTHAONA 35:24

Râkheli sawchapawzy cha Zawsi nata Benzami ama châ.

ÂTHAONA 42:38

Châhrasala Zakaw ta, “Ei sawchapawpa he nama hnohta a zu aw vei, a unawhpa thi ha ta, ano deita he hroh ta, nama siena lâpi liata hmo pha leipa a zâ tyh pathlei khiahta cha, ei luh pawhpa he pachârôhpa ta Athihkhih lâ nama pasiesa aw,” tah ta.

ÂTHAONA 42:4

Zawsi pilâhpa Benzami deikua cha, Zakaw ta, “Hmo pha leipa â tyh pathlei aw na,” tah ta, a unawhzy hnohta pasiesa vei.

ÂTHAONA 43:14

Khazohpa Atotaotheipa ta, cha chyhsa hmiakô liata cha ngiachhie ei sala, cha chyhsa chata nama unawhpa pakha nata Benzami he nama hnohta kaw pasiesa mawh sy! Kei deikua cha, ei sawzy ei pahlei hapa chhao ta, ei pahleipa châ lah vâ,” tah ta.

ÂTHAONA 49:27

“Benzami cha changie zohpa châ ta, My ta sa taipa nie aw ta, Zâlâ ta hraopa sôh a rai aw,” tah ta.

1 THÂTIHZYRONA 4:9

Zabia cha a unawhzy hlâta zachhih viapa châ ta, a nô ta, “Riethei pasa ngaitapa ta ei sapa a châ,” tah ta a moh Zabia a bi.

HLAZY 16:10

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

HLAZY 80:17

Na ku chachâh ta na hmâpa chyhsa chô liata na ku pahnieh la, Nâma châta na mohôhpa chyhsa sawchapawpa chô liata na ku pahnieh mah y!

PUASAINA 12:7

“Mietakutaw thisaih cha la aw ei ta, ama nie nawpa o liata ochhi tôh miano liata nata ochhi tlâh zy liata ama hnia aw.

CHAPHÔHTUNA 2:12

Ama nôzy padopa ta cha ei ta, “Viahchhâ nata kresawhti khataih liata a y?” ama tah. Hmaphaohpa hawhta, Khiliah liata panaopa ta ama y; Ama nôzy byhpi chô liata, Ama hrona a lei.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

LUKA 23:46

Zisu cha ao paro ngaitapa ta awh ta, “Ei Paw, na ku liata ei thlahpa ei cha pavaosa!” tah ta. Cha bie cha a rei khai nahta, a thlahpa pathlie ha ta.

HMOTAOPAZY 7:59

Alô ta ama vaw hai nota, Stiphana cha awh ta, “Abeipa Zisu, ei thlahpa vaw dy mah y,” tah ta.