ÂTHAONA 35:1 - Mara Bible RV (BSI)

¹ Khazohpa ta Zakaw hnohta, “Thyu la, Bethel lâ khy la, cha liata pahrâ la, na unawhpa Esaw tawhta nâ râ nota na hnohta a vaw luahpa Khazohpa châta, cha liata maisâh tao mah y,” tah ta.

ÂTHAONA 35:1 ပူးပေါင်းရင်းမြစ်များ

ÂTHAONA 12:8

Cha tawhta Bethel nochhi lâta tlâh râh lâ a pasie ta, cha liata a poh o rai ta. Notla daih lâta Bethel y ta, nochhi daih lâta Ai khih a y. Cha liata Abeipa châta maisâh tao ta, Abeipa moh pado ta.

ÂTHAONA 16:8

A hnohta, “Hâkarâ, Sârai seichanônô, khataih tawhta nâ vy, khataih lâ na sie aw?” tah ta. Ano ta, “Ei zibeinô Sârai tawhta ei râ,” tah ta.

ÂTHAONA 22:14

Chavâta Abarahâ ta cha su cha Zehôvâh Zire tahpa ta a moh bi ta, tanoh taihta, “Abeipa tlâh liata piepa a châ aw,” tah tyhpa a châ.

ÂTHAONA 29:1

Zakaw cha sie lymâ ta, nochhi chyhsazy râh kei tlô ta.

ÂTHAONA 31:13

Kei he lôbô sathaw na thuna su, ei hnohta bie nâ taihna su, Bethel Khazohpa kha ei châ. Tahmâ thyu la, he râh tawhta pua la, na pina râh lâ kua heih mah y,’ eina tah,” tah ta.

ÂTHAONA 31:3

Abeipa ta Zakaw hnohta, “Châ pathlatuhpazy râh, na chiheihzy yna râh lâ kua heih mah y. Na hnohta ei y lymâ aw,” tah ta.

ÂTHAONA 34:31

Âmo ta, “Eima sietanô he âzuahnô hawhta a tao awpa a châ rai ma?” tah ei ta.

ÂTHAONA 35:15

Khazohpa ta bie â chhona su moh cha, Zakaw ta Bethel a bi.

ÂTHAONA 35:7

Cha liata maisâh tao ta, a unawhpa tawhta â râ nota Khazohpa a hnohta â luahna su a châpa vâta, a moh ta Elbethel a bi.

HLAZY 46:1

Khazohpa cha eimâ bohna nata thatlôna châ ta, Nôpona daihti liata baotuhpa a hnia thlâh hapa a châ.

HLAZY 47:4

Eima ryuto râh miah a tlyhpa ta, A kyhpachâpa Zakaw myuh miah a pie. Selah

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

PUASAINA 2:15

Phiraoh ta cha thâtih cha a pahno nahta, Mawsi cha thie a chhuah ta. Châhrasala Mawsi cha Phiraoh hmiakô tawhta a râ ta, Midia râh liata kei y ta. Noh kha cha tikhaoh kiapâh liata a tyuh ta.

HÔSIA 12:4

Vâlyuhchâpa a pia ta a pahnie haw; Chana chôta a khokheina â haw. Bethel liata Khazohpa a tyh ta, Cha liata Khazohpa ta bie miah â chho.

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

RYHPACHANEINA 32:36

Hmotaotheina ama hnei khao leipa Abeipa ta hmô ta, Sei chhao khotalaipa chhao ama y khao lei tita, Abeipa ta a phopi thaipachâsa aw ta, A chakaotuhpazy chô liata zawh â ngiah aw.

1 SAMUELA 10:3

Cha tawhna chata sie lymâ aw chi ta, Tabaw liata ôkâ thokô tlôna taihta na sie aw. Cha liata chyhsa pathôh, Bethel liata Khazohpa lâ a khypazy ta ama châ tyh aw. Pakha ta mietaw pô thôh phaoh aw ta, pakha ta viahchhâ tlâ thôh phaoh aw ta, pakha ta kresawhti ôh kha a phaoh aw.