ÂTHAONA 34:7 - Mara Bible RV (BSI)

⁷ Thâtih ama pahnopa nahta, Zakaw sawchapawzy cha râh lâ tawhta vaw tlô ei ta. Sekhe ta Zakaw sawchanô a ziakhei ta, Izarei sahlao chô liata hmo molei ngaitapa, hmo tao chachei lei awpa a taopa vâta, ama palôh pasapa ta, ama hiehâh ngaita ta.

ÂTHAONA 34:7 ပူးပေါင်းရင်းမြစ်များ

ÂTHAONA 20:9

Abimele ta Abarahâ cha aw ta, a hnohta, “Khâpa hmo ma eima chô liata na tao? Khâpa kyh liata ma na chô liata hmo parao na ta, moleina rarôh ypa he kei nata ei râh chô liata na vaw patlôsa tly? Tao lei awpa hmo ei chô liata na tao hih,” tah ta.

ÂTHAONA 34:6

Sekhe paw Hamô ta Zakaw lâ lyuh kei châ ta.

ÂTHAONA 34:8

Hamô ta ama hnohta, “Ei sawchapawpa Sekhe palôh cha, nama sawchanô chô liata khâchâ y ha ta, ngiachhiepa ta lapinô ta pahneisa teh u.

ÂTHAONA 46:7

A sawchapawzy, a sawchapawzy liata a samohzy, a sawchanôzy nata a sawchapawzy sawchanôzy a chhi ta, a pathla zydua a hnohta Izi râh lâ â ngiakhei ha ei.

2 SAMUELA 13:21

Cha hmo zydua cha Bei Dâvi ta a thei nahta, a hiehâh ngaita ta. Châhrasala Amanaw cha a sawchapaw uhtheipa a châpa vâta dao kaw ta, hrie a chhuah leipa ta.

HLAZY 93:5

Na bieraopazy a i ta, Hy Abeipa, pathaihna cha, Na o nata chhâzaw ta a hmiepa a châ.

BIESOZY 7:7

Hmo a pahno thai leipa satlia pakha tlai cha, Sona a phahlapazy hry liata hmô na ta, Thyutliapazy hry liata a hmia ei siah.

ZEREMIAH 29:23

Izarei râh liata hmo chhie ngaitapa taopa ta ama vaih lapinôzy liata a phei ei ta, bie ei pie leipa pi tlai ta, ei moh ta haipa biezy ama reipa vâta, cha hawhta taopa ama châ aw. Cha cha a pahnotuhpa nata a pahnokheituhpa ei châ,” Abeipa ta a tah.

THEIHTHAINA 4:13

“Izarei phopi pôhpalôhpa ta Abeipa ta tao lei awpa ta bie a piepa kheihawhpa tlyma taopa ta ama molei pathlei khiahta cha, zawpi tawhta nyupa a châpa chhao ta, thailei ama châ pyly aw.

THEIHTHAINA 4:2

“Izarei sawzy hetana heta chho teh: Abeipa ta tao lei awpa ta bie a piepa kheihawhpa tlyma chyhsa ta taopa ta molei pathlei ha sala,

THEIHTHAINA 4:27

“Vâtlâh hry liata chyhsa pakha ta Abeipa ta tao lei awpa ta bie a piepa kheihawhpa tlyma taopa ta a molei pathlei ha khiahta cha, thailei a châ aw.

1 KAWRINI 10:8

Ama hry liata thokha ta apatlana moleina tao ei ta, noh kha ta chyhsa 23,000 ama thipa hawhna khata, keimo la apatlana moleina liata eima tlaih awpa châ vei.

1 KAWRINI 6:18

Apatlana moleina a râsai teh u. Chyhsa ta moleina hropa a taopazy cha pôhpa khôtho lâ a châ, apatlana moleina a taopa deikua cha, ano pôhpa chô lia tlai ta moleina hmo a taopa a châ.

EPHESI 5:3

Mopathaihpazy nama châ tawhta cha, apatlana, puana zydua nata uahvana zy nama hry liata a rei chhao reipa châ khah sy.

RYHPACHANEINA 22:20

Hmo dopa châ sala, chanô cha laihsakôpa a châna pasia nawpa a y vei khiahta deikua cha,

RYHPACHANEINA 22:21

a paw o liata sihryhpa ta y ta, Izarei liata hmo molei ngaitapa a taopa vâta, chanô cha a paw o chhikao lâ a chhi aw ei ta, a yna khihpi liata chyhsazy ta alô ta ama vawhsao awpa a châ. Cha hawhna chata nama hry liata hmo phaleipa cha nama pahlei awpa a châ.

RYHPACHANEINA 23:17

“Izarei sawchanôzy hry liata nothlahpa achhyna o liata âzuahnô ta ama y awpa châ leipa ta, Izarei sawchapawzy hry liata chhao nothlahpa achhyna o liata âzuahpa ama y awpa châ vei.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

1 TIMAWTHY 5:13

Cha dei châ vei, thathipa ta y ei ta, o to ta amâ khiekhâ tyh. Ama thathipa dei châ leipa ta, chyhsa kyh reih ei ta, biethâhzy taopa ta, rei lei awpazy ama reih tyh.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

ZÂMIE 3:10

Pakah miakha tawhta reithaina nata chhiesana a pua tyh. Unawh saih u, cha hmozy cha, cha hawhta a châ awpa châ vei.

ZAWSUA 7:15

Ahy rai châ sala, pahleipadia awpa hmo a hnohta hmôpa a châ khiahta cha, Abeipa biehrai parao ta, Izarei liata hmo pha lei ngaitapa a taopa vâta, cha chyhsa cha, a chhôhkha nata a hneipa zydua chhaota mei ta rao awpa a châ,” tah ta.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

RYUREITUHPAZY 20:6

Hmo pasichhihpa nata nozachhihpa Izarei liata ama taopa vâta, ei nôtho ri cha la na ta, a vyuh vyuh ta pachhaih na ta, Izarei ryuto râh zydua lâ ei paphao ei.