ÂTHAONA 34:27 - Mara Bible RV (BSI)

²⁷ Zakaw sawchapawzy cha ama thiepazy lâ vawh ei ta, ama sietanô ama papuapaleipa vâta, khihpi cha hrao ei ta.

ÂTHAONA 34:27 ပူးပေါင်းရင်းမြစ်များ

ÂTHAONA 34:2

Cha râh bei Hivi chyhsa Hamô sawchapawpa Sekhe ta vaw hmô ta, patu ta, a ziakhei ta, a noh pazao ha ta.

ÂTHAONA 34:26

Hamô nata a sawchapawpa Sekhe chhao zaozi tiahpa ta thie ei ta, Dinâ cha Sekhe o tawhta puakhei ei ta, amâ chhi haw.

ÂTHAONA 34:28

Ama mietaku zawzy, ama viahchao hrizy, ama alâzy, ama khih liata hmo a ypa nata ama lyu liata hmo a ypa zydua la khai ei ta.

ÂTHAONA 34:31

Âmo ta, “Eima sietanô he âzuahnô hawhta a tao awpa a châ rai ma?” tah ei ta.

ESTHERI 9:10

Âmo cha Hâmedâthâ sawchapawpa Hâmâ, Zuzy chariahpa sawchapaw pahrawhzy ama châ. Hraona sôh deikua Zuzy ta hria veih ei.

ESTHERI 9:16

Abei khinarâh bia hropazy liata a ypa Zuzy chhao ta ama hrona pabohsa awpa ta a hmaohpakhy ei ta, ama chariahpazy tawhta â bohpa ta y ei ta. Âmo a haotuhpa chyhsa 75,000 thie ei ta, hraona sôh deikua hria veih ei.

PUASAINA 2:14

Ano ta, “Eima chô liata ryureituhpa nata hyutuhpa ta ahy ma châ tao? Izi chyhsa na thiepa hawhna khata ma thie einâ chhuah chi?” tah ta. Mawsi cha a palôh liata, “Kha hmo kha chyhsa ta ama pahno ha tlai cha zaw,” tahpa ta pachâ ta, chi ngaita ta.

EZEKIA 39:10

Adyuhna chhaichhizy cha, mei tho châta ama hmâh awpa vâta, lyurâhpa tho ama phao awpa byuh khao leipa aw ta, râhmâhpa tho thlu awpa byuh khao hra aw vei. Âmo a hraotuhpazy hraona sôh chhu aw ei ta, âmo hmo a parutuhpazy hmo ama parupa aw, Abeipa Zehôvâh ta a tah.

AMÔSÂ 3:11

“Chavâta Abeipa Zehôvâh ta hetana heta a tah: Khakhaipazy ta râh vaw dôh aw ei ta, Na thokhyzy parao aw ei ta, Na bei ozy ama hrao aw.”

1 TIMAWTHY 6:10

Tâkâ sôh kyh liata karâyna cha moleina to thabypa a châ. Thokha sôh tlaichhaina vâta ngiapâna paviasai ei ta, pachârôhna hluhpi taopa ta, âmosasyh amâ pasasa tyh.

ZAWSUA 7:1

Châhrasala Izarei sawzy ta pahleipadia awpa hmozy kyh liata hmo parao ei ta. Zudâh chi Zerâ sawchapawpa Zabidi, Zabidi sawchapawpa Kâmi, Kâmi sawchapawpa Âkhâ ta pahleipadia awpa hmo vaw la ha ta. Chavâta Abeipa cha Izarei sawzy chô liata a pathi ia ta.

ZAWSUA 7:13

Thyu teh! Zawpi kha pathaisa la, ama hnohta, ‘Mylâ châta a pathai teh u. Abeipa, Izarei Khazohpa ta hetana heta a tah: “Hy Izarei, pahleipadia awpa hmozy nama hry liata y ta, chazy cha nama hry tawhta nama pahleipadia hlâlei nama chariahzy hmiakô liata a duah thei aw veih ei chi,”’ tah teh.

ZAWSUA 7:21

Hraona sôhzy hry liata Sinâ poh pha ngaitapa nata tâkâ sekel za no nata ngôh tlo sekel sypangawh a hripa hmô na ta, ei hia na tlia ngaita ta, ei vaw la haw. Ei poh o chhôh liata alei ry liata nyu na ta, a ry chai liata tâkâ a y,” tah ta.