ÂTHAONA 34:24 - Mara Bible RV (BSI)

²⁴ Khihpi thokhy chhikao liata a hmaohpa zydua ta Hamô nata a sawchapawpa Sekhe bie cha paryhsa ei ta. Khihpi thokhy chhikao liata a hmaohpa chapaw zydua cha ama chopaw tai khaipa a châ.

ÂTHAONA 34:24 ပူးပေါင်းရင်းမြစ်များ

ÂTHAONA 17:23

Chatanachata Abarahâ ta a sawchapawpa Ismela nata a o liata a pihpa sei zydua nata tâkâ sôh ta a chaleipa zydua, Abarahâ o liata chapaw maih a chhi ta, Khazohpa ta a hnohta a reipa hawhta, cha noh lia tlai ta ama chopaw vo cha taipa khai ta.

ÂTHAONA 23:10

Cha nota Epharaw cha Hiti mo hry liata a tyuh thlâh ha hra ta. Hiti chyhsa Epharaw ta Hiti mo nata khihpi chhikao liata a ypa zydua theina liata Abarahâ hnohta,

ÂTHAONA 23:18

Hiti mo mohmô nata khihpi chhikao liata a tyuhpa zydua mohmô ta, Abarahâ hnohta a ryuto châta piepa a châ.

ÂTHAONA 34:23

Ama sahrohzy, ama sôhzy nata ama sa zydua keimo eih ama vaw châ khai nawpa mah a châ tâh. Chavâta amâ hnawpa hawhta paryhsa sih la, chatanachata eima hnohta ama pahrâ aw,” tah ei ta.

MATHAI 7:6

“Izy cha hmo pathaihpa pie leipa u la, vaozy hmiakô liata nama taikuh lôsôhpazy thy hra khuh vy. Ama phei ta tly aw ei ta, ama châ liehnao pathlei aw.

1 KAWRINI 7:19

Chopawtaipa cha khâpa hmah châ leipa ta, chopawtaileipa chhao khâpa hmah châ hra vei. A peimawhpa cha Khazohpa biepiepazy zyhpa he a châ.