ÂTHAONA 33:17 - Mara Bible RV (BSI)

¹⁷ Zakaw deikua cha Sukô lâta sie ta, ano châta o sa ta, a sahrohzy châta byureihzy tu ta. Chavâta cha su cha a moh Sukô bipa a châ.

ÂTHAONA 33:17 ပူးပေါင်းရင်းမြစ်များ

ÂTHAONA 33:16

Esaw cha, cha noh lilaw ta Seirâ lâ pangaipa ta a lie ha ta.

1 ABEIZY 7:46

Chazy cha abei ta Zawdâh bypi liata Sukô nata Zarethâ likawh beihlei su liata leih ta.

HLAZY 60:6

Khazohpa ta a su pathaihpa tawhta hetana heta a tah: “Thaphapa ta Sekhe khihpi pachhaih aw na ta, Sukô Saikao ei rairuah aw.

PUASAINA 12:37

Izarei sawzy cha Râmese khih tawhta Sukô lâ pangaipa ta sie ei ta, chanô nata hawtizy rei leipa ta, chapaw pitlohpa sai ta 600,000 phei ta ama sie.

PUASAINA 13:20

Sukô su tawhta pua ei ta, râhchawhpa chhâna Ethâmâ su liata a rie ei ta.

ZAWSUA 13:27

Saikao liata Beharâ, Benirâ, Sukô, Zaphônâ nata Hesbaw bei Sihaw râh hropazy chhao Kâdâ pathlazy râh châ ta, Zawdâh chavah cha râhri ta hmâpa ta, Zawdâh haosâ nochhi lâta Chinere Tipo mathi lâ chhâna taihta Kâdâ pathlazy râh a châ.

RYUREITUHPAZY 8:14

Sukô satlia pakha patu ta, bie hiahri ta. Satlia chata Sukô khih liata hyutuhpa nata machâ sysari nata pasari mohzy ropa ta.

RYUREITUHPAZY 8:16

Khihpi machâzy cha patu ta, râhchawhpa ahloh nata ahloh buhzy ta chheipa ta Sukô mo cha hrie ta.

RYUREITUHPAZY 8:5

Kidia ta Sukô mo hnohta, “Ngiachhiepa ta nâ zipa chyhsazy he viahchhâ tlâzy pie teh u, ama tha a chhâ ngaita hih. Midia bei Zebâ nata Zalmunâ ei chadai ei,” tah ta.

RYUREITUHPAZY 8:8

Cha tawhna chata Penia lâ sie ta, Sukô liata a reipa hawhta ama hnohta reih heih ta, Penia mo chhao ta Sukô mo achhyna hawh pyly ta a chhy ei ta.