ÂTHAONA 33:13 - Mara Bible RV (BSI)

¹³ Zakaw ta a hnohta, “Hawtizy panyu kaw chy ei ta, mietaku zaw nata viahchao hri ama taw sâhpi a pazy haipazy he ei mohôh awpa ei a byuhzie ei zibeipa ta na pahno. Noh kha chhao ama rie eima patheisa tu khiahta cha, sahroh zydua ama thi khai aw.

ÂTHAONA 33:13 ပူးပေါင်းရင်းမြစ်များ

ÂTHAONA 33:12

Esaw ta, “Sie ei suh u, kei hmia ei sah aw,” tah ta.

ÂTHAONA 33:14

Chavâta ei zibeipa y, ngiachhiepa ta, nâ cha châ chakaotuhpa hmia lâta sie mah y. Kei deikua cha ei hmia lâta sahroh a siepazy ama sie theina rakha lymâ hawhta nata hawtizy sie theina rakha lymâ hawhta, ei zibeipa yna Seirâ ei vaw tlôna taihta dusawta ta ei vaw sie aw,” tah ta.

1 THÂTIHZYRONA 22:5

Dâvi ta, “Ei sawchapawpa Sawlawmaw cha hawtipa châ ta, hmo yzie pahno tu mâh leipa ta, Abeipa châta o sa awpa hra cha, râh zydua liata a pathâhpa o laipa nata rônahpa a châ awpa châ tlôh ta. Chavâta Khazohpa o sa nawpa cha kei ta ei chhuanoh chhielie aw,” tah ta. Chatanachata Khazohpa o sa nawpa chhaichhi zydua cha Dâvi ta a thi hlâta â chhuanoh khai haw.

HLAZY 78:71

A phopi Zakaw vaih ta, A ryuto Izarei vaih awpa ta, Mietakuzy vaina tawhta a aw papua.

BIESOZY 12:10

Mosiapa cha a sahroh hrona pachâ peimawh ta, Moleipa zawngiahna deikua cha nôchhiena a châ.

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

1 SAMUELA 6:10

Chyhsazy ta cha hawhna chata tao ei ta, viahchao panô a taw sâhpi a pazy haipa pô no a chhi ei ta, talailih cha viahchao panôzy liana cha paky ei ta, ama tawzy deikua cha o liata khô ei ta.