ÂTHAONA 33:11 - Mara Bible RV (BSI)

¹¹ Byhnâ ei topa na hnohta ama vaw cheipazy kha, ngiachhiepa ta a pyh mah y. Khazohpa ta na ngiachhie ta, ei hneina ta â daihpa vâta kuhria ei cha piepa a châ,” tah ta. Thata â hawpa vâta a la ha ta.

ÂTHAONA 33:11 ပူးပေါင်းရင်းမြစ်များ

ÂTHAONA 30:43

Chatanachata Zakaw cha thata vaw hneirôh ta, sahroh zaw hluhpi, seichanôzy, seichapawzy, râraoseihpazy nata alâzy hnei ta.

ÂTHAONA 32:21

Chatanachata kuhria cha a hmia lâta sie ta, ano pôhpa deikua, cha zâ cha riehmo liata a rie ta.

ÂTHAONA 33:10

Zakaw ta, “Châ vei, na ngiachhiena ei hmô khiahta la, ngiachhiepa ta ei kuhriazy he ei ku tawhta nâ hlâ mah y. Na hmia ei vaw hmô thlâhpa cha, Khazohpa hmia a hmôpa hawhta châ na ta, nâ chhao ta nâ pyh chi ta.

ÂTHAONA 33:12

Esaw ta, “Sie ei suh u, kei hmia ei sah aw,” tah ta.

ÂTHAONA 33:9

Esaw ta, “Ei nawhta y, kei chhao a hluhpi ei hnei. Na hneipa zydua nâma eih châ khai mawh sy,” tah ta.

2 ABEIZY 2:17

Ama hmia a kha khao leina taihta ama rei ngâ thlâh hapa vâta, Elaisâh ta, “Pasiesa teh u,” tah ta. Chatanachata chyhsa sypangawh tuah ei ta. Noh thôh chhôh tlua ei ta, châhrasala hmô leipa ei ta.

2 ABEIZY 5:23

Nâmâ ta, “Tale miano a lypa ta la mah y,” tah ta. Tâkâ talent miano la awpa ta reipasao ta. Cha cha sykhao miano ta chaty ta, chysia a patly awpa miano chaty pâ ta, a chakaotuhpa pano paphaosa ta. Kehâzi hmialâ ta siekhei ei ta.

LUKA 14:23

Zibeipa ta chakaotuhpa hnohta, ‘Pua la, lâlai nata khih chaki lâ zy vawh la, ei o biena taihta chyhsazy a vaw ngia awpa ta kei reipasao lylia teh.

1 KAWRINI 3:21

Chavâta ahy hmahta chyhsazy a palaikhei khah sy. Hmo to zydua nâmo eih a châ.

2 KAWRINI 6:10

Pachârôh awpa ta pachâpa châ pi ta, châhrasala khâ eimâ ly. Dyhchhiepa hawhta pachâpa châ pi ta, châhrasala chyhsa hluhpi a pahneirôhsapa eima châ. Khâpa hmah a hnei leipa hawhta pachâpa châ pi ta, châhrasala ato eima hnei.

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

ZAWSUA 15:19

Akasâ ta, “Byhnâ na awpa mah y. Neke râh eina pie ha hnohkua chi cha, tihnawhzy chhao eina pie pâ hra awpa chi ta ei châ haw,” tah ta. Chatanachata Kâlebâ ta Akasâ cha machhua lâta tihnawh nata mathi lâta tihnawhzy pie ta.

RYUREITUHPAZY 1:15

Akasâ ta, “Byhnâ na pie mah y. Neke râh eina pie ha hnohkua chi cha, tihnawhzy chhao eina pie pâ awpa chi ta ei châ haw,” tah ta. Chatanachata Kâlebâ ta Akasâ cha machha lâta tihnawh nata mathi lâta tihnawhzy pie ta.

1 SAMUELA 25:27

Tahmâ châ chakaotuhnô ta ei zibeipa châta hmosaipa ei vaw cheipa he, ei zibeipa a vaw zipa satliazy he pie awpa ta rie paryhsa mah y.

1 SAMUELA 30:26

Dâvi cha Zikalâ a vaw tlô nahta, hraona sôh thokhazy cha a viasa Zudâh machâzy paphao ta, ama hnohta, “He he nâmo châta hmosaipa a châ, Abeipa chariahpazy hraona sôh a châ hih,” tah ta.