ÂTHAONA 32:7 - Mara Bible RV (BSI)

⁷ Zakaw cha chipa ta a nôpo ngaita ta. A hnohta chyhsa a ypazy, mietaku zawzy, viahchao zawzy nata râraoseihpazy cha py no ta pachhaih ta.

ÂTHAONA 32:7 ပူးပေါင်းရင်းမြစ်များ

ÂTHAONA 32:11

Ngiachhiepa ta ei uhta Esaw ku tawhta na pachha mah y. A vy aw ta, nôzy nata sawzy chhaota miah a thie khai aw tahpa ei chi ngaita.

ÂTHAONA 32:3

Zakaw ta Edômâ râh Seirâ tlâh liata a pahrâpa a uhta Esaw lâta lyuhchâpazy pasiesa chhielie ta.

ÂTHAONA 32:8

“Esaw ta py kha a vaw tyh sala, a thie ha khiah ei ta cha, py kha lâta a ypazy chhâ cha amâ râ thei aw,” tahpa ta pachâ ta.

ÂTHAONA 33:1

Zakaw cha mohmia pasaih ta, Esaw cha chyhsa za palih chhaota â vypa hmô ta. A sawzy cha Liah, Râkheli nata seichanô panozy hnohta rai ta.

ÂTHAONA 35:3

Thyu sih la, Khazohpa o lâ khy ei suh u. Ei nôpo nota nâ chhy ta, ei siena liata ei hnohta a y lymâpa Khazohpa châta maisâh ei tao aw,” tah ta.

HLAZY 107:6

Chatawhcha nôpopa ta Abeipa pado ei ta, Abeipa ta pachârôhna tawhta a pachha ei.

HLAZY 112:5

Chyhsa riaphapa nata a sôh dyu a pacheisapa cha, Phana ta vaoheipa châ ta, Adona ta rai a hriapa chhao, Phana ta vaoheipa a châ.

HLAZY 142:4

Ei chachâh lâ a heih la moh tua rai, Nâ pahnopa y khao veih ei; Ei chhai nawpa y khao leipa ta, Ei hro kyh a pachâpa y khao veih ei.

HLAZY 31:13

Chyhsa hluhpi bieparu thei na ta, Su to chichhihna ta a bie; A paraohpa ta na tei ei ta, Ei hrona la amâ chhuah.

HLAZY 61:2

Ei palôh chhâ daihti liata, Alei chhâna tawhta cha pado na ta, Kei hlâta a sâh viapa lôpanô lâ nâ chhi mah y.

PUASAINA 14:10

Phiraoh â vaw hnia nahta, Izarei sawzy ta kei sai ei ta, Izi mo ta âmo lâ pangaipa ta ama vaw sie haipa ama hmô nahta, chi ngaita ei ta. Izarei sawzy ta Abeipa awsao ei ta.

BIESOZY 2:11

Pahnona ta cha mokhâh aw ta, Novâhna ta a cha vaih aw.

ISAI 28:26

Leipalietuhpa cha a Khazohpa ta a phapa ta pachu ta, A taozie dopa a chho khai hapa a châ.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

MATHAI 8:26

Zisu ta ama hnohta, “Ngiapâna chyhpa saih u, khazia nama chi?” tah ta. Thyu ta thlihzy nata tichatlaopa cha ra ta, sidia ha ta.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

2 KAWRINI 1:4

Ano cha eima riethei taona zydua liata thlah miah palôhtuhpa a châ. Chatanachata keimo chhao, Khazohpa ta thlah miah a palôhna cha hmâpa ta, rietheina kheihawhpa rai a taopazy thlah eima palôh thei hra aw.

2 TIMAWTHY 3:12

Hmeiseih ta la, Khazohpa khozie hawhta Krista Zisu liata hro a chhuahpa zydua cha taolana amâ tyh aw.