ÂTHAONA 32:6 - Mara Bible RV (BSI)

⁶ Lyuhchâpazy cha Zakaw lâ vaw kua ei ta, a hnohta, “Na uhta Esaw kô kei tlô pi ta, cha dy awpa ta â vy hai. Chyhsa za palih a hnohta â vaw chhi ei,” tah ei ta.

ÂTHAONA 32:6 ပူးပေါင်းရင်းမြစ်များ

ÂTHAONA 31:18

A sahroh zydua a chhipa ta, a hneipa zydua, Pâdâ-Aramia liata sahroh a hneipa zydua chhaota, Kâna râh liata a paw Aisika lâ sie ta.

ÂTHAONA 32:11

Ngiachhiepa ta ei uhta Esaw ku tawhta na pachha mah y. A vy aw ta, nôzy nata sawzy chhaota miah a thie khai aw tahpa ei chi ngaita.

ÂTHAONA 32:7

Zakaw cha chipa ta a nôpo ngaita ta. A hnohta chyhsa a ypazy, mietaku zawzy, viahchao zawzy nata râraoseihpazy cha py no ta pachhaih ta.

ÂTHAONA 32:8

“Esaw ta py kha a vaw tyh sala, a thie ha khiah ei ta cha, py kha lâta a ypazy chhâ cha amâ râ thei aw,” tahpa ta pachâ ta.

ÂTHAONA 33:1

Zakaw cha mohmia pasaih ta, Esaw cha chyhsa za palih chhaota â vypa hmô ta. A sawzy cha Liah, Râkheli nata seichanô panozy hnohta rai ta.

ÂTHAONA 33:15

Esaw ta, “Cha khiahta la, ei hnohta a ypa chyhsa thokha he ei cha siesaipa sy,” tah ta. Zakaw ta, “A byuh hlei aw ma? Ei zibeipa ngiachhiena tlao na patosa hri mah y,” tah ta.

ÂTHAONA 33:8

Esaw ta, “Sahroh hri ei vaw tyhpa zydua kha, khâpa ma a yzie?” tah ta. Zakaw ta, “Ei zibeipa hmiakô liata ngiachhiena ei hmô thei nawpa ta ei taopa a châ,” tah ta.

ÂTHAONA 34:11

Sekhe chhao ta laihsa paw nata a rilâhpazy hnohta, “Na ngiachhie teh u, ei hnohta nama reipa maih ei cha pie aw ei.

ÂTHAONA 47:25

Âmo ta, “Eima hrona miah pachha ha chi ta, ei zibeipa ngiachhiena miah patosa la, Phiraoh chakaotuhpazy eima châ aw,” tah ei ta.

AMÔSÂ 5:19

Chyhsa ta chakeibarôhneipa tawhta a râ ta, Chavyh ta tlao â tyhpa hawhta châ aw ta, O liata a ngiapa ta pâhchhô liata a ku pahnieh ta, Parih ta a pachu pylypa hawhta a châ aw.

RUTHI 2:13

Ruthi ta, “Ei zibeipa y, na mohmô liata khokheina ei hlaopa a châ hih! Na laihsazy hry liata a hlao pha vei hraw sah la, châ chakaotuhnô he thlah na palôh chi ta, reikah phapa ta bie einâ chho chi hih,” tah ta.

RUTHI 2:2

Môabâ zuah Ruthi ta Naomi hnohta, “Lyu lâ sie aw na ta, a mohmô liata ngiachhiena ei hlaopa lyu liata kâmo ei kei tho aw,” tah ta. Naomi ta a hnohta, “Ei sawchanô y, sie mah y,” tah ta.

1 SAMUELA 1:18

Hânâ ta, “Na seichanô he na modypa rie châ mawh sy,” tah ta. Chatawhcha chanô cha sie ta, pati nie ta, a pachârôhna hmia cha pai ha ta.