ÂTHAONA 32:30 - Mara Bible RV (BSI)

³⁰ Zakaw ta, “Khazohpa cha hmiachhypa ta hmô na ta, chatanachôta ei hrona pahlôhpa ta a y,” tah ta, cha su moh cha Penia a bi.

ÂTHAONA 32:30 ပူးပေါင်းရင်းမြစ်များ

ÂTHAONA 16:13

Hâkarâ ta, “He liana tlai heta nâ hmôtuhpa cha ei hmô haw,” tah ta, bie â chhotuhpa Abeipa cha, “Nâ cha a hmôtuhpa Khazohpa na châ,” tahpa ta a moh a bi.

ÂTHAONA 28:19

a su moh Bethel a bi. Cha khih moh cha Luzi vaw tah tuapa a châ.

ÂTHAONA 35:9

Zakaw cha Pâdâ-Aramia tawhta â vy nahta, Khazohpa ta a hnohta a vaw luah heih ta, byhnâ awpa ta.

1 ABEIZY 12:25

Zerôbaw cha Epharai tlâh râh liata Sekhe khih padua ta, cha liata pahrâ ta. Cha tawhna chata pua ta, Penia khihpi padua ta.

PUASAINA 33:14

Abeipa ta, “Ei ypâna nama hnohta sie aw ta, ei cha pahâsa aw ei,” tah ta.

ISAI 6:5

Chatawhcha kei ta, “Ei hu a po kaw dia! Ei leidia haw. Hmao pathaih leipa chyhsa châ na ta, hmao pathaih leipa phopi hry liata ei pahrâ. Ei mo ta Abeipa, Pheisaihzy Abeipa a hmô ha khaw!” tah na ta.

ISAI 9:5

Tlypâna pheiky nata thisaih a hlaopa chysia zydua cha, Mei liata phôh ta pakâ khaipa a châ aw.

MALUHREINA 12:8

Ano cha pakah ta bie a chho na ta, bie nyupa y leipa ta, a siapa ta bie ei chho tyh. Abeipa pizie chhao a hmô. Cha hawhta a châ tlôh khiahta cha, khazia nâ chakaotuhpa Mawsi reipachhiepa cha nama chi vei?” tah ta.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

1 KAWRINI 13:12

Tahmâ cha thlalâ liata vivâh deita hmô pi ta, cha tita deikua cha hmiachhypa ta eima hmô ha aw. Tahmâ cha â ki leipa ta pahno na ta, cha tita deikua cha, Khazohpa ta eina pahno pakipa hawhna heta, â kipa ta ei pahno ha aw.

2 KAWRINI 3:18

Chatanachata keimo hmia khu leipa ta a ypa zydua pi heta Abeipa rônahna cha palâsa pi ta, rônahna tawhta rônah via rilipa ta, Abeipa rônahna lyuna lâta pananopa ta eima y lymâ. Cha cha Abeipa tawhta eima hmôpa châ ta, Abeipa cha Thlahpa a châ.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

KALATIA 1:6

Krista ngiachhiena zawhzi ta nâmo châ awtuhpa siesaipa ta, thâtihpha hropa lâta thlai nama tlei thlâhpa he, noâh ei tah ngaita!

EPHESI 1:17

Krista nama pahno pasia thei nawpa ta, eima Beipa Zisu Krista Khazohpa, rônahna Paw ta sona nata aluahna Thlahpa a cha pie awpa ei ta thlah ei cha chhâpa ei.

RYHPACHANEINA 34:10

Cha khai tawhta cha Izarei hry liata Mawsi hawhta Abeipa ta hmiachhy ta a pahnopa hrohsopa y khao veih ei.

RYHPACHANEINA 5:24

‘Abeipa eima Khazohpa ta a rônahzie nata a zachhihzie miah pahmôsa ta, mei hry tawhta a ao eima thei. Khazohpa ta chyhsapa bie a chho ta, a hroh thlâh hapa tanoh eima hmô haw.

KAOLAOSÂ 1:15

Krista cha hmô thei leipa Khazohpa a lyupa, hmotaopa zydua hry liata a pih tua chaipa a châ.

2 TIMAWTHY 1:10

Cha ngiachhiena cha miah Pachhatuhpa Krista Zisu â vaw luahna liata tahmâ palâsapa ta a y haw. Krista cha thina pahlei ta, thâtihpha vâta hrona nata thi thei leina a vaw tlôkheituhpa a châ.

HEBRAI 11:27

Ngiapâna ta bei hiehâhna chhao chi leipa ta, Izi râh puasai ta, hmô thei leipa a hmôpa vâta pasa a tao hualua.

ZAWSUA 5:13

Zawsua cha Zerikô khihpi kiapâh liata a y nota, mohmia pasaih ta, a hmiakô liata chyhsa pakha, zaozi a paih tawhta phia chiehpa a chabapa ta a vaw duah thlâh ha ta. Zawsua ta kei pangai ta, a hnohta, “Keimo chhâh a châpa ma na châ, eima khakhaipazy chhâh a châpa chi maw?” tah ta.

RYUREITUHPAZY 13:17

Manôah ta Abeipa vâlyuhchapa hnohta, “Na moh ahy maw, na biereipazy a vaw tlô tita eima cha palyupalih thei nawpa ta?” tah ta.

RYUREITUHPAZY 13:18

Abeipa vâlyuhchâpa ta a hnohta, “Hmo noâhchhihpa hmô ha chi ta, khazia ei mo eina hiahri chi?” tah ta.

RYUREITUHPAZY 8:17

Penia o sâhpa pacho ta, khihpi liata chyhsazy thie ta.

RYUREITUHPAZY 8:8

Cha tawhna chata Penia lâ sie ta, Sukô liata a reipa hawhta ama hnohta reih heih ta, Penia mo chhao ta Sukô mo achhyna hawh pyly ta a chhy ei ta.