ÂTHAONA 32:29 - Mara Bible RV (BSI)

²⁹ Zakaw ta, “Ngiachhiepa ta na moh na chho teh,” tah ta. Ano ta, “Khazia ei moh eina hiahri chi?” tah ta. Cha liata byhnâ awpa ta.

ÂTHAONA 32:29 ပူးပေါင်းရင်းမြစ်များ

ÂTHAONA 17:5

Phopi hluhpi paw ta ei cha tao hapa vâta, na moh chhao Abarâ châ khao leipa aw ta, na moh cha Abarahâ tlao a châ ha aw.

ÂTHAONA 35:10

Khazohpa ta Zakaw hnohta, “Na moh Zakaw châ ta, Châhrasala na moh Zakaw cha tah khao aw veih ei; Na moh cha Izarei a châ bâ aw,” tah ta. Chatanachata Khazohpa ta Zakaw cha Izarei tahpa ta a moh a bi.

ÂTHAONA 35:9

Zakaw cha Pâdâ-Aramia tawhta â vy nahta, Khazohpa ta a hnohta a vaw luah heih ta, byhnâ awpa ta.

1 ABEIZY 18:31

“Na moh cha Izarei a châ aw,” tahpa ta Abeipa bie a daotuhpa Zakaw sawzy chi zie ta Elaizâh ta alô mia hrawh hleino la ta.

2 ABEIZY 17:34

Ama taozietyhpa hawhta tanoh taihta ama tao lymâ. Abeipa chi leipa ei ta, Abeipa ta Izarei tahpa ta a bipa Zakaw pathlazy hnohta a piepa bieraopazy, pachianazy, ryhpazy nata biepiepazy zyh khoh veih ei.

1 THÂTIHZYRONA 1:34

Abarahâ ta Aisika sa ta. Aisika sawchapawzy cha Esaw nata Izarei ama châ.

ZAWBÂ 11:7

“Khazohpa bienyupazy na pahno thei ma? Atotaotheipa chhâna na hmô thei ma?

BIESOZY 30:4

Avâ lâ kiah ta a zâ chô heihpa cha ahy ma a châ tly? A ku ta thlih a chahupa cha ahy ma a châ tly? A poh ta ti a chatypa cha ahy ma a châ tly? Khizaw kaokih zydua a paduapa cha ahy ma a châ tly? A moh ahy ma a châ tly? A sawchapawpa moh ahy ma a châ tly? Na pahno mah tâh!

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

MALUHREINA 20:14

Mawsi ta Kâdesâ tawhta Edômâ bei lâ lyuhchâpa tuah ta, “Na unawhpa Izarei ta hetana heta a tah: Eima chô liata rairuna a tlôpa zydua na pahno khai.

LUKA 1:19

Vâlyuhchâpa ta a chhy ta, “Kei he Kabriel ei châ. Khazohpa hmiakô liata a duah tyhpa châ na ta, bie cha chho ta, he thâtih lychhihpa he cha vaw tlôkhei awpa ta tuapa ei châ.

RYHPACHANEINA 29:29

“Hmo nyupazy cha Abeipa eima Khazohpa eih châ ta, hmo palâhâhpazy deikua keimo nata eima pathlazy eih a châ. Chatanachata he ryhpa bie zydua he eima zyh thei aw.