ÂTHAONA 32:20 - Mara Bible RV (BSI)

²⁰ ‘Châ chakaotuhpa Zakaw cha eima hnôh lâta a vaw sie,’ nama tah aw,” tahpa ta biepie ta. Zakaw ta, “Kuhria ei hmia lâta a siepa ta a palôh patlâh aw na ta, cha khai tawhta a hmia ei hmô aw. Cha hawhta ei tao khiahta cha, einâ pyh thei ngyu aw,” tahpa ta pachâ ta.

ÂTHAONA 32:20 ပူးပေါင်းရင်းမြစ်များ

ÂTHAONA 32:19

Cha hawhna chata, a panona nata a pathôhna nata sahroh hrizy a pazituhpa zydua hnohta, “Nâmo chhao, Esaw namâ tyh tita, cha hawhta reih hra aw ei chi ta,

ÂTHAONA 32:21

Chatanachata kuhria cha a hmia lâta sie ta, ano pôhpa deikua, cha zâ cha riehmo liata a rie ta.

ÂTHAONA 43:11

Ama paw Izarei ta ama hnohta, “Cha hawhta a châ khiahta cha, hetana heta tao muh vy: He râh liata theilâpa pahâh chaipazy he a chyhta sai ta nama sykhaozy liata pasâ u la, cha chyhsa châta kuhria, thochathli thohna, kheihti, ropahâhpa, myrâ, theilâ hyhkua châpa nata kuasâh theizy phaopa muh vy.

1 ABEIZY 20:31

A chakaotuhpazy ta a hnohta, “Tahmâ pachâ teh, Izarei pathla beizy cha chyhsa a ngiachhie thei ngaitapa bei ama châ tahpa eima thei. Latho poh a saipa ta, eima luh chaori ta buhpa ta Izarei bei lâ pua ei suh u. Na hrona a cha pahlôh thlâh ha ngyu aw,” tah ei ta.

BIESOZY 15:18

Chyhsa pathichhiepa cha ahryuna pathyu ta, Nônaipa deikua cha aeichhiana a padia tyh.

BIESOZY 16:14

Abei pathiiana cha thina lyuhchâpa châ ta, Châhrasala chyhsa sopa ta cha a padia thei aw.

BIESOZY 18:16

Kuhria piepa cha a pietuhpa châta lâpi tao ta, Chyhsa rônahpazy hmiakô liata â chhi tyh.

BIESOZY 21:14

Arulâta hmosai piepa ta hiehâhna padia ta, Kalachhôh liata panaopapana nyupa ta pathiiana rupa a padia tyh.

BIESOZY 6:35

Achatlaina sôh a pyh leipa aw ta, Kuhria hluhpi pie hra la, A palôh châ hlei aw vei.

ZAWNA 3:9

Ahy ma a pahno tly? Eima leidia lei nawpa ta, Khazohpa cha a palie thei ta, a palôh pananopa ta, a hiehâhna ru ngaitapa tawhta â palie thei mâh tâh,” tah ta.

2 TIMAWTHY 2:25

Khazohpa ta ano a dyuhtuhpazy chhao parosa thei ta, biehmeiseihpa pahnona lâ â chhi thei ei tahpa a ngiapâpa ta, Abeipa chakaotuhpa cha nônai kawpa ta taopathina rai a hria awpa a châ.

1 SAMUELA 6:5

Nama kheihluh nothlahpazy nata nama râh a paraotuhpa siahloh nothlahpa zy tao u la, Izarei Khazohpa cha palyupalih teh u. Cha hawhta nama tao khiahta cha, nâmo chô liata nata nama khazohzy nata nama râh chô liata a ku a pahua thei ngyu aw.