ÂTHAONA 32:11 - Mara Bible RV (BSI)

¹¹ Ngiachhiepa ta ei uhta Esaw ku tawhta na pachha mah y. A vy aw ta, nôzy nata sawzy chhaota miah a thie khai aw tahpa ei chi ngaita.

ÂTHAONA 32:11 ပူးပေါင်းရင်းမြစ်များ

ÂTHAONA 24:27

“Ei zibeipa chô liata ngiachhiena nata biedopa a thlyu beih leipa Abeipa, ei zibeipa Abarahâ Khazohpa cha reithaipa ta y mawh sy! Kei chhao he Abeipa ta ei zibeipa heinawhzy o lâta eina vaw chhihtha ha hih,” tah ta.

ÂTHAONA 27:41

A paw ta byhnâ a patosa hapa vâta, Zakaw cha Esaw ta a hao kaw ta. Esaw ta a palôh liata, “Ei paw mâchhie eima sa nawpa nohzy a hnia ha ta, cha tina chata ei unawhpa Zakaw cha ei thie aw,” tah ta.

ÂTHAONA 27:42

A sawchapaw uhtheipa Esaw bie cha Rebekâ chho ei ta. Chyhsa tuah ta, a sawchapaw seihnaipa Zakaw cha kei paawsa ta, a hnohta, “Na uhta Esaw ta, thie châ chhuahpa ta anosasyh ta thlah â palôh.

ÂTHAONA 32:3

Zakaw ta Edômâ râh Seirâ tlâh liata a pahrâpa a uhta Esaw lâta lyuhchâpazy pasiesa chhielie ta.

ÂTHAONA 32:7

Zakaw cha chipa ta a nôpo ngaita ta. A hnohta chyhsa a ypazy, mietaku zawzy, viahchao zawzy nata râraoseihpazy cha py no ta pachhaih ta.

ÂTHAONA 33:4

Esaw cha Zakaw a tyh awpa ta a râ ta, a pyh ta, a ku ta rao liata a pyh ta, a pahnâ ta, ama pano ta cha ei ta.

2 SAMUELA 7:18

Chatawhcha Bei Dâvi cha a ngia ta, Abeipa hmiakô liata a tyuh ta, a hnohta, “Hy Abeipa Zehôvâh y, ahy ma châ na ta, ei chhôhkha he khâpa châ ta ma, he taih heta einâ vaw chhi chi tly?

HLAZY 119:134

Na pachunazy ei zyh thei nawpa ta, Chyhsazy tlybaina tawhta na chatlai mah y.

HLAZY 142:6

Ei awna he nathlie mah y, Thata panawhpa ta ei y hih! Nâ taolatuhpazy tawhta na pachha mah y, Kei châta ama tha a tlô tu haw!

HLAZY 16:1

Hy Khazohpa, na pabohsa mah y, Nâma châ chhaipa ei châ hih.

HLAZY 25:20

Ei hrona he vaih la, Na pachha mah y; Maophyuhpa ta na paysa khah y, Nâma châ chhaipa ei châ hih.

HLAZY 31:2

Kei lâta na nah pachôh la, Thlai na pachha mah y! Ei chhaipa lôpanô na châpa la, Ei pachhana thokhy thatlôpa na châpa mah y!

HLAZY 43:1

Hy Khazohpa, nâ duakhei la, Thai na pachâsa mah y! Khazohpa a pachâ leipazy tawhta na pachha la, Dôvei hmâhpa nata chyhsa doleipa tawhta na pachha mah y!

BIESOZY 18:19

Unawh pasasa hapa cha khihpi thatlôpa hlâta pahnie ru via ta, Cha hawpa ahryuna cha thokhy tlâh hawhta a châ.

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

HÔSIA 10:14

Chavâta na chyhsazy hry liata tymâna vaw pua aw ta, Na thokhy zydua parao khaipa a châ aw. Adyuhna noh liata, Salmâ ta Bethabe a paraopa hawhna khata, Nôzy cha ama sawzy chhaota Taichheihpa ama châ aw.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

RYHPACHANEINA 22:6

“Tho liata tlyma, alei liata tlyma pavaw bu hmô u la, a panô ta a taw tlyma, a tih tlyma â byu thlu thlâh ha chy khiahta cha, a taw cha a panô chhaota nama la awpa châ vei.

1 SAMUELA 12:10

Chatawhcha Abeipa awsao ei ta, a hnohta, ‘Eima vaw molei ha na, Abeipa a heihsai pi ta, Bâlâzy nata Astarôzy eima vaw chakao haw. Chatahrasala tahmâ eima chariahpazy ku tawhna heta miah pachha la, nâma eima cha chakao bâ aw,’ tah ei ta.

1 SAMUELA 24:15

Chavâta Abeipa ta nâma nata keima likah pachia sala, bietluna tao mawh sy. Hmo yzie moh sala, ei chhâh a châ sala, na ku tawhta na pachha mawh sy,” tah ta.