ÂTHAONA 31:54 - Mara Bible RV (BSI)

⁵⁴ Zakaw cha tlâh râh liata atheihna hlâ ta, a chiheihzy pati nie hrua ta. Pati ama nie khai tawhta, tlâh râh liana cha a rie ei ta.

ÂTHAONA 31:54 ပူးပေါင်းရင်းမြစ်များ

ÂTHAONA 21:8

Hawti cha laiseih lymâpa ta, sâhpi pathleih ta. Aisika sâhpi pathleih noh liata Abarahâ ta kyhchhi rônahpa tao ta.

ÂTHAONA 26:30

Aisika ta âmo châta kyhchhi tao ta, niepa ta doh ei ta.

ÂTHAONA 37:25

Pati nie awpa ta a tyuh ei ta. Mohmia pasaih ei ta, Kilia tawhta â vypa Ismela mo râraoseihpazy hmô ei ta. Ama râraoseihpazy cha Izi râh lâ zua awpa iaôzy, thohna hniapazy nata ropahâhpazy a phaohpa ama châ.

PUASAINA 18:12

Mawsi puhpa Zetharô cha raopa hlâna nata Khazohpa lâta atheihnazy vaw cheih ta, Mawsi puhpa hnohta Khazohpa hmiakô liata viahchhâ nie awpa ta, Arawna nata Izarei machâ zydua a vy ei ta.

EZEKIA 44:3

Abeipa hmia­kô liata viahchhâ nie awpa ta, abei deita ta cha liata â tyuh tyh aw. Aikah chhikao lâ tawhta a ngia aw ta, cha lâ tawh chata a pua heih tyh aw,” tah ta.

1 SAMUELA 9:12

Laihsazy ta a chhy ei ta, ama hnohta, “A y tlaih, nama hmiata liata a sie. A para teh u, tanoh cha su sâhpa liata atheihna hlâna noh a châpa vâta, tahmâ tlai kha khihpi liata a vaw tlô.