ÂTHAONA 31:41 - Mara Bible RV (BSI)

⁴¹ Kha kô kih chhôh zydua kha na o liata y na ta. Na sawchanô panozy hnei awpa ta kô hrawh hleipalih cha chakao na ta, na sahrohzy hlao awpa ta kô charu ei cha chakao. Ei hlao ei hrawh tlai na panano.

ÂTHAONA 31:41 ပူးပေါင်းရင်းမြစ်များ

ÂTHAONA 27:44

na uhta hiehâhna a pai hlâlei cha, a hnohta noh khazie tlyma kei y chy mah y.

ÂTHAONA 29:15

Lâbâ ta Zakaw hnohta “Ei tupapa hmah châ hra la, a saipa ta eina chakao awpa chi châ vei. Na hlao awpa khâpa a châ aw, na chho teh?” tah ta.

ÂTHAONA 30:28

Zakaw hnohta, “Na hlao awpa zie reih la, na chho mah y, ei cha pie aw,” tah ta.

ÂTHAONA 31:38

Kô kih chhôh na hnohta y na ta. Na mietaku panô nata na mie panôzy ama tawzy hrih beih leipa ei ta, na mietaku zaw hry liata mietaku tôhpazy nie beih hra va na.

ÂTHAONA 31:40

He he ei duahmo a châ: Nohchhô ta noh lopa ta na vawh ta, zâ ta diah chakuapa ta na tla thlupa ta, mokuh ta ei mokhaoh â râsai tyh.

ÂTHAONA 31:6

Ei theina zydua ta nama paw châta ei hriazie, nâmo chhao ta nama pahno.

ÂTHAONA 31:7

Chatanachôta nama paw ta na dôvei ta, ei hlao ei hrawh tlai a panano. Châhrasala eina pasasa awpa deikua Khazohpa ta pasaih vei.

ÂTHAONA 32:4

Lyuhchâpazy cha biepie ta, ama hnohta, “Ei zibeipa Esaw hnohta, ‘Châ chakaotuhpa Zakaw ta hetana heta a tah: Lâbâ o liata khichhaipa châpa ta, tahmâ taihta y na ta.

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

2 KAWRINI 11:26

Ei hluhpi ei khitlynazy liata, chavahzy liata chichhihna, hraotuhpazy liata chichhihna, ei chiheihzy liata chichhihna, Zenitaizy liata chichhihna, khihpi liata chichhihna, khitaw liata chichhihna, tilaipi liata chichhihna nata unawh pakheipazy liata chichhihnazy ei tyh tyh.