ÂTHAONA 31:37 - Mara Bible RV (BSI)

³⁷ Ei hmo zydua hrao khai ha chi ta, na o liata hmo khâpa ma na hmô? Na chiheihzy nata ei chiheihzy hmiakô liana heta vaw soh teh. Âmo ta eima pano likah miah pachia mawh ei sy.

ÂTHAONA 31:37 ပူးပေါင်းရင်းမြစ်များ

ÂTHAONA 31:32

Ahy rai a hnohta na khazohzy na hmôna chyhsa cha, a hroh awpa châ vei. Nâma eih keima liata a ypa cha, eima chiheihzy mohmô liana heta a phapa ta tlua la, la khai mah y,” tah ta. Râkheli ta khazohzy a paru hapa Zakaw ta pahno leipa ta.

ÂTHAONA 31:36

Chatawhcha Zakaw cha a hiehâh kaw ta, Lâbâ cha a hryuh ta. Zakaw ta Lâbâ hnohta, “Khâpa ma ei parao? Khâpa moleina ma tao ha na ta, he tlupo ta eina vaw chadai chi?

ÂTHAONA 31:38

Kô kih chhôh na hnohta y na ta. Na mietaku panô nata na mie panôzy ama tawzy hrih beih leipa ei ta, na mietaku zaw hry liata mietaku tôhpazy nie beih hra va na.

MATHAI 18:16

A cha nathlie vei khiahta cha, bie to pahnotuhpa pano tlyma, pathôh tlyma pakah liata pa-ipa ta a y thei nawpa ta, chyhsa hropa pakha tlyma, pano tlyma, na hnohta a chhi mah y.

1 THYSALAWNIKA 2:10

Nâmo cha ngiapâtuhpazy chô liata pathaihpa nata siapa nata seina hnei leipa ta eima y tyhzie miah pahnokheituhpazy nama châ. Khazohpa chhao ta miah a pahnokhei.

HEBRAI 13:18

Thlah miah chhâpa teh u. Kyh to liata zachhihpa ta y a chhuah pi ta, chhie nata pha pahnona pasohpa eima hnei tahpa a siapa ta eima pahno.

ZAWSUA 7:23

Hraona sôhzy cha poh o chhôh tawhta la ei ta, Zawsua nata Izarei saw zydua lâta vaw cheih ei ta, Abeipa hmiakô liata soh ei ta.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 3:16

chhie nata pha pahnona pathaihpa hmâpa ta nama tao awpa a châ. Chatanachata Krista liata nama hrozie phapa a reipachhie tyhpazy cha maophyuhpa ta ama y aw.