ÂTHAONA 31:36 - Mara Bible RV (BSI)

³⁶ Chatawhcha Zakaw cha a hiehâh kaw ta, Lâbâ cha a hryuh ta. Zakaw ta Lâbâ hnohta, “Khâpa ma ei parao? Khâpa moleina ma tao ha na ta, he tlupo ta eina vaw chadai chi?

ÂTHAONA 31:36 ပူးပေါင်းရင်းမြစ်များ

ÂTHAONA 30:2

Zakaw cha Râkheli chô liata a hiehâh kaw ta, “Kei he chhi thei châ pakhâpatuhpa Khazohpa duahmo liata a duahpa ma ei châ?” tah ta.

ÂTHAONA 31:35

Râkheli ta a paw hnohta, “Na hmiakô liata ei thyu thei leipa vâna heta, ei beipa, na hiehâh khah sy. Chanô châna ei hnei daihti a châpa vâta na a châ,” tah ta. Tlua lymâ ta, châhrasala khazoh nothlahpazy cha hmô leipa ta.

ÂTHAONA 31:37

Ei hmo zydua hrao khai ha chi ta, na o liata hmo khâpa ma na hmô? Na chiheihzy nata ei chiheihzy hmiakô liana heta vaw soh teh. Âmo ta eima pano likah miah pachia mawh ei sy.

ÂTHAONA 34:7

Thâtih ama pahnopa nahta, Zakaw sawchapawzy cha râh lâ tawhta vaw tlô ei ta. Sekhe ta Zakaw sawchanô a ziakhei ta, Izarei sahlao chô liata hmo molei ngaitapa, hmo tao chachei lei awpa a taopa vâta, ama palôh pasapa ta, ama hiehâh ngaita ta.

ÂTHAONA 49:7

Ama pathichhiena cha chhiesapa ta y mawh sy, A tah tu pâ haw; Ama hiehâhna chhao chhiesapa ta y mawh sy, A ru tu pâ haw. Zakaw liata pachhaihpazaoh aw ei na ta, Izarei liata ei hiepatla aw ei.

2 ABEIZY 13:19

Khazohpa chyhsa cha a chô liata a pathi ia ta, a hnohta, “Ei pangawh ei charu chhâ nâ chô awpa mâh a châ tâh. Cha hawhta na tao khiahta cha, Aramia mo cha ama chhâna taihta na thie ha awpa ei châ ta, tahmâ deikua cha Aramia mo cha ei thôh deita na pahnie aw,” tah ta.

2 ABEIZY 5:11

Nâmâ cha a hiehâh ngaita ta, sie syulyu ha ta, “Pachâ teh u, kei lâta vaw puapa ta, a vaw duah aw ta, Abeipa a Khazohpa moh pado aw ta, ei phawhna chô liata a ku hiepa ta phawhpa he a patlâh aw khiah ma, tah na ta.

BIESOZY 28:1

Ahy ta hmah ama chadai leipa chhao ta, Moleipazy cha a râpai ei ta; Mosiapazy deikua cha, Chakeibarôhneipa hawhta ama riah a pha.

MALUHREINA 16:15

Mawsi cha a hiehâh ngaita ta, Abeipa hnohta, “Ama hmohlâpa a pyh khah y. Âmo tawhta alâ pô kha hmah la leipa na ta, ama hry liata pakha hmah pasasa beih va na,” tah ta.

MALUHREINA 20:3

Zawpi ta Mawsi cha a hryuh ei ta, a hnohta, “Abeipa hmiakô liata eima unawhzy ama thi nona khata, keimo chhao vaw thi ha hra sih la a pha via awpa tlai!

MÂKA 3:5

Hiehâhpa ta âmo cha moh ta, ama palôh kuhchhapa vâta a palôh pasa ngaita ta, kusypa hnohta, “Na ku pazawh teh” tah ta. A ku pazawh ta, a kusypa cha pha ha ta.

EPHESI 4:26

Nama hiehâh sala, molei deikua molei khuh vy. Nama hiehâhna cha noh ta tlakhei leipa sala,

1 SAMUELA 20:32

Zawna­thâ ta a paw Sawla cha a chhy ta, a hnohta, “Khazia ma Dâvi cha thie awpa a châ tly? Khâpa ma a tao haw?” tah ta.