ÂTHAONA 31:30 - Mara Bible RV (BSI)

³⁰ Na paw o na vâ ngaitapa vâta na sie hapa chhao ta, khazia ei khazohzy eina parupa chi?” tah ta.

ÂTHAONA 31:30 ပူးပေါင်းရင်းမြစ်များ

ÂTHAONA 31:19

Mietaku hmi ngyu awpa ta Lâbâ a sie chhôh ta, Râkheli ta a paw khazoh nothlahpa paru ta.

ÂTHAONA 31:31

Zakaw ta Lâbâ cha a chhy ta, a hnohta, “Ei chipa vâta a châ. Na sawchanôzy he thachahra ta na chhu thlâh ha lah chi, tahpa ei pachâpa vâta a châ.

ÂTHAONA 35:2

Chatawhcha Zakaw ta a chhôhkha nata a hnohta a ypa zydua hnohta, “Nama hry liata râh hropa khazohzy kha thy khai u la, a pathai u la, nama chysia a patly teh u.

2 SAMUELA 5:21

Philistinâ mo ta ama khazoh nothlahpazy a râsai ha ei ta, chazy cha Dâvi nata a chyhsazy ta la ei ta.

PUASAINA 12:12

Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

ISAI 37:19

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

ZEREMIAH 10:11

Chavâta ama hnohta hetana heta reih teh: “Alei nata avâ taotuhpa a châ leipa khazohzy cha, alei tawhta leidia awh ei ta, avâ ry tawhta ama lei khai aw.”

ZEREMIAH 43:12

Izi khazohzy o liata mei patih aw na ta, khazoh ozy cha Nebukaneza ta mei ta rao aw ta, khazoh nothlahpazy a siekhei ha aw ei. Mietaku vaituhpa ta a chyhsa liata lôvâpazy a pathaipa hawhta, Izi râh cha pathai aw ta, cha su tawhta thlalôhpa ta a pua aw.

EZEKIA 21:21

Pachao awpa ta Babylaw bei cha lâpi miano atyhna lâtlei liata a duah ta, châtaizy chatho ta, terâfizy a saohiahpa ta, sa pathi moh ta.

MALUHREINA 10:30

Hôbâ ta Mawsi hnohta, “Vaw sie aw va na, ei râh nata ei chiheihzy lâ tlao ei lie aw,” tah ta.

MALUHREINA 33:4

Izi mo ta Abeipa ta ama sawchapaw uhtheipa a thie khai hapazy ama pabu hai nota, Izarei sawzy cha pua ei ta. Abeipa ta Izi mo khazohzy chô liata chhao hriena a patlôsa ha hra.

ZAWSUA 24:2

Zawsua ta zawpi zydua hnohta, “Zehôvah, Izarei Khazohpa ta hetana heta a tah: ‘Châ pathlatuhpazy, Abarahâ nata Nâhaw paw Terâ tlai chhao kha, hlâno cha Ufrâti chavah khô lâ râh liata pahrâ tyh ei ta, khazoh hropazy ama chakao tyh.

RYUREITUHPAZY 18:17

Râh moparuna lâ a khypa chyhsa papangawhzy khata o chhôh lâ a ngia ei ta, nothlahpa khaipa, ephaw, terâfi nata nothlahpa leihpa zy cha la ei ta. Cha nota theihthaipa cha adyuhna chhaichhi atobipa chyhsa 600 zy hry liata thokhy chhikao kiah liata a duah thlâh ha hra ta.

RYUREITUHPAZY 18:24

Ano ta, “Ei khazoh taopazy nata ei theihthaipa lapa ta, sie syulyu ha ei chi ta, khâpa ma ei hnei khao? Kheihtazieta ma, ‘Khâpa rimâ maw?’ eina tah thlâh ha ei chi?” tah ta.

RYUREITUHPAZY 6:31

Zôasâ ta ano a maochhietuhpa zydua hnohta, “Bâlâ cha namâ châhkhei tlai aw ma? Ano cha nama pachha aw ma? Ahy rai ano a châhkheipa maih my khihdei hlâta thiepa ama châ aw. A maisâh parao hapa châ ta, chavâta khazoh a châ khiahta cha, anosasyh ta a â duakhei mawh sy,” tah ta.