ÂTHAONA 31:3 - Mara Bible RV (BSI)

³ Abeipa ta Zakaw hnohta, “Châ pathlatuhpazy râh, na chiheihzy yna râh lâ kua heih mah y. Na hnohta ei y lymâ aw,” tah ta.

ÂTHAONA 31:3 ပူးပေါင်းရင်းမြစ်များ

ÂTHAONA 13:15

Râh na hmôpa zydua nâma nata na pathlazy hnohta chhâzaw châta ei cha pie aw ei.

ÂTHAONA 21:22

Cha daihti liata, Abimele nata a pheisaih hyutuhpa Phikaw ta Abarahâ hnohta, “Na hmotaopa zydua liata Khazohpa na hnohta a y lymâ.

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 28:13

Abeipa cha hleidy chô lâta a duah ta, “Kei he Abeipa, na paw Abarahâ Khazohpa nata Aisika Khazohpa ei châ. Nâ ziana râh kha, nâ nata na pathlazy ei cha pie aw ei.

ÂTHAONA 28:15

Pachâ teh, na hnohta ei y. Na siena maihta cha vaih lymâ aw na ta, he râh lâ he ei châ vaw chhi heih aw. Na hnohta bie ei taihpa he, ei patlô hlâlei cha, cha siesai cheita aw va na,” tah ta.

ÂTHAONA 28:4

Na khichhai châna râh, Khazohpa ta Abarahâ hnohta a piepa râh he, ryuto châta na hnei thei nawpa ta, Abarahâ byhnâ cha, Khazohpa Atotaotheipa ta nâ nata na hnohta a ypa na pathlazy hnohta cha pie mawh ei sy,” tah ta.

ÂTHAONA 30:25

Râkheli ta Zawsi a sa tawhta, Zakaw ta Lâbâ hnohta, “Ei o nata ei râh lâ ei di thei nawpa ta na pasiesa bâ mah y.

ÂTHAONA 31:13

Kei he lôbô sathaw na thuna su, ei hnohta bie nâ taihna su, Bethel Khazohpa kha ei châ. Tahmâ thyu la, he râh tawhta pua la, na pina râh lâ kua heih mah y,’ eina tah,” tah ta.

ÂTHAONA 31:18

A sahroh zydua a chhipa ta, a hneipa zydua, Pâdâ-Aramia liata sahroh a hneipa zydua chhaota, Kâna râh liata a paw Aisika lâ sie ta.

ÂTHAONA 31:2

Zakaw chhao ta Lâbâ hmia moh pasia ta, hnôhlâ daihti hawhta a chô liata â ly khao leizie hmô ta.

ÂTHAONA 31:4

Zakaw ta chyhsa tuah ta, Râkheli nata Liah cha lyurâhpa liata a sahroh zaw yna lâ a vy awpa ta bieta ta.

ÂTHAONA 32:10

châ chakaotuhpa chô liata ngiachhiena nata ngâchhihna na palâsapa zydua hry liata a chyh chaipa chhao a phuh va na. Ei chôchahrei deita a chhypa ta Zawdâh he vaw chaka na ta, tahmâ cha py no eima vaw châ haw.

ÂTHAONA 32:5

Viahchao tôhpazy, alâzy, mietaku nata mie zawzy, seichapaw nata seichanôzy ei hnei. Na modypa ei châ thei nawpa ta, cha bie cha ei zibeipa chho awpa ta, chyhsa ei vaw tuah,’ tahpa ta nama chho aw,” tah ta.

ÂTHAONA 32:9

Zakaw cha thlahchhâ ta, “Hy ei paw Abarahâ Khazohpa, ei paw Aisika Khazohpa, Hy Abeipa, ‘Na râh lâ a lie la, na chiheihzy yna lâ a lie mah y, a phapa ta ei cha tao aw,’ nâ tahtuhpa y,

ÂTHAONA 35:1

Khazohpa ta Zakaw hnohta, “Thyu la, Bethel lâ khy la, cha liata pahrâ la, na unawhpa Esaw tawhta nâ râ nota na hnohta a vaw luahpa Khazohpa châta, cha liata maisâh tao mah y,” tah ta.

ÂTHAONA 35:3

Thyu sih la, Khazohpa o lâ khy ei suh u. Ei nôpo nota nâ chhy ta, ei siena liata ei hnohta a y lymâpa Khazohpa châta maisâh ei tao aw,” tah ta.

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

HLAZY 46:1

Khazohpa cha eimâ bohna nata thatlôna châ ta, Nôpona daihti liata baotuhpa a hnia thlâh hapa a châ.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 90:15

Pasa miah na pataosana noh zie ta, Thaphana miah pie heih la; Chhiena eimâ tyhna kô zie ta, Thaphana miah pie heih mah y.

PUASAINA 3:12

Khazohpa ta, “Na hnohta ei y aw. Keima tuapa tlai na châ tahpa, he he nâma châta ngiana a châ aw: Izi râh tawhta phopi na kaw puakhei ti ei ta, he tlâh liana tlai heta Khazohpa nama chakao aw,” tah ta.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.