ÂTHAONA 31:19 - Mara Bible RV (BSI)

¹⁹ Mietaku hmi ngyu awpa ta Lâbâ a sie chhôh ta, Râkheli ta a paw khazoh nothlahpa paru ta.

ÂTHAONA 31:19 ပူးပေါင်းရင်းမြစ်များ

ÂTHAONA 24:38

Ei paw o, ei chiheihzy yna lâ sie aw chi ta, ei sawchapawpa châta lapinô na kei hiapa aw,’ tahpa ta bie na pataihsa ta.

ÂTHAONA 31:20

Zakaw ta â râ awpa kyh Aramia chyhsa Lâbâ chho leipa ta, pathloh ha ta.

ÂTHAONA 31:30

Na paw o na vâ ngaitapa vâta na sie hapa chhao ta, khazia ei khazohzy eina parupa chi?” tah ta.

ÂTHAONA 31:32

Ahy rai a hnohta na khazohzy na hmôna chyhsa cha, a hroh awpa châ vei. Nâma eih keima liata a ypa cha, eima chiheihzy mohmô liana heta a phapa ta tlua la, la khai mah y,” tah ta. Râkheli ta khazohzy a paru hapa Zakaw ta pahno leipa ta.

ÂTHAONA 31:34

Râkheli ta khazoh nothlahpazy kha a vaw la hapa châ ta, râraoseihpa kypadia chhôh liata soh ta, a tyuhnie ha ta. Lâbâ ta poh o chhôh zydua cha hrao khai ha ta, châhrasala khazoh nothlahpazy cha hmô leipa ta.

ÂTHAONA 31:35

Râkheli ta a paw hnohta, “Na hmiakô liata ei thyu thei leipa vâna heta, ei beipa, na hiehâh khah sy. Chanô châna ei hnei daihti a châpa vâta na a châ,” tah ta. Tlua lymâ ta, châhrasala khazoh nothlahpazy cha hmô leipa ta.

ÂTHAONA 35:2

Chatawhcha Zakaw ta a chhôhkha nata a hnohta a ypa zydua hnohta, “Nama hry liata râh hropa khazohzy kha thy khai u la, a pathai u la, nama chysia a patly teh u.

ÂTHAONA 38:13

Chyhsazy ta Tâmâri hnohta, “Na parâhpa cha a mietaku hmi ngyu awpa ta Timnâ khih lâ a khy aw,” tahpa chho ei ta.

2 SAMUELA 13:23

Kô no bohloh a lei nahta, Absalaw cha Epharai kiapâh Bâlâhazô liata mietaku hmi pangyusa ta. Absalaw ta abei sawchapaw zydua hrua ta.

2 ABEIZY 23:24

Cha dei châ vei, Abeipa o liata theihthaipa Hikia ta a hmôpa châbu liata ryhpa bie ropazy a pa-i thei nawpa ta, pachaothaipazy, dyuthaipazy, chhôhkha khazohzy, khazoh nothlahpazy nata Zudâh râh nata Zerusale khihpi liata pasichhihpa ama hmô tyhpa zydua cha, Zôsia ta a pahleipadia khai ha ei.

EZEKIA 21:21

Pachao awpa ta Babylaw bei cha lâpi miano atyhna lâtlei liata a duah ta, châtaizy chatho ta, terâfizy a saohiahpa ta, sa pathi moh ta.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

ZAWSUA 24:2

Zawsua ta zawpi zydua hnohta, “Zehôvah, Izarei Khazohpa ta hetana heta a tah: ‘Châ pathlatuhpazy, Abarahâ nata Nâhaw paw Terâ tlai chhao kha, hlâno cha Ufrâti chavah khô lâ râh liata pahrâ tyh ei ta, khazoh hropazy ama chakao tyh.

RYUREITUHPAZY 18:31

Chatanachata Mikâ taopa nothlahpa khaipa cha, Silô khih liata Khazohpa o a y chhôh zydua cha, cha liata a y lymâ.

1 SAMUELA 15:23

Chhoruna cha pachaopa moleina nata a lyu ta, Akhotlâhna chhao nothlah a chhypa thaileichâna hawh a châ. Abeipa bie na khoh leipa vâta, Ano chhao ta bei châta cha khoh khao vei,” tah ta.

1 SAMUELA 19:13

Mikâli cha terâfi la ta rakhô liata pazia ta, a luh lâ mie hmi lahuah soh ta, chysia ta khu ta.

1 SAMUELA 25:2

Maô khihpi liata chyhsa pakha y ta, a raihriana khihpi deikua cha Kâmel a châ. Ano cha chyhsa hneirôh ngaitapa châ ta, mietaku 3,000 nata mie 1,000 a hnei.