ÂTHAONA 31:10 - Mara Bible RV (BSI)

¹⁰ Sahrohzy ama vô daihti liata, avâ lâ ua na ta, a paw a kiapa mie tôhpazy cha a kaorâhpazy, a cheichapaipazy nata a chei dipa ta a chapaicharupazy ama châpa ta ei mâ lâta ei hmô tyh.

ÂTHAONA 31:10 ပူးပေါင်းရင်းမြစ်များ

ÂTHAONA 20:6

Khazohpa ta a mâ lâta, “Â do na, palôh dopa ta kha hmo kha na tao tahpa ei pahno. Chavâta ei chô liata hmo na parao lei nawpa ta, keima tlai ta cha pakhâ na ta, ano na hria awpa ei cha pasai leipa a châ.

ÂTHAONA 28:12

Mâ sa ta, alei chô liata hleidy a vaw daopa hmô ta, hleidy pawhmao cha avâ daih ta. Khazohpa vâlyuhchâpazy ta hleidy chô liata kiah heih, chô heih, ama tah ngâpa hmô ta.

ÂTHAONA 30:39

Chatanachata sahroh zawzy cha chôchahrei dady liata ama paw kiah ei ta, vô lymâ ei ta, kaorâhpa, cheichapaipa nata chei dipa ta a chapaicharupazy ta taw pataw lymâ ei ta.

ÂTHAONA 31:11

Ei mâsana liata Khazohpa vâlyuhchâpa ta, ‘Zakaw,’ na vaw tah ta, kei ta, ‘He liata ei y!’ tah na ta.

ÂTHAONA 31:12

Ano ta, ‘Sai la, moh tua, mie tôhpa paw a kiapa zydua huh, a kaorâhpazy, a cheichapaipazy nata a chei dipa ta a chapaicharupazy ama châ huh. Lâbâ ta na chô liata hmo a taopa zydua ei hmô khai.

ÂTHAONA 31:24

Khazohpa ta Aramia chyhsa Lâbâ hnohta zâ ta a mâ lâta a vaw luah ta, a hnohta, “A phapa tlyma, a chhiepa tlyma, Zakaw hnohta khâpa hmah rei lei awpa ta a chado mah y,” tah ta.

ÂTHAONA 31:9

Cha hawhna chata Khazohpa ta nama paw sahrohzy cha lapa ta, kei eina pie haw.

ÂTHAONA 37:5

Zâ kha cha Zawsi ta mâ sa ta, cha cha a unawhzy a chho nahta, ano cha a hao via rili ei ta.

1 ABEIZY 3:5

Kibiô liana chata Abeipa cha Sawlawmaw hnohta zâ ta a mâ lâta a vaw luah ta. Khazohpa ta, “Hiah teh, khâpa ei cha pie aw,” tah ta.

MALUHREINA 12:6

Abeipa ta, “Ei bie nathlie teh u: Nama hry liata hrohsopa a y khiahta cha, kei, Abeipa ta aluahna ta a hnohta a pahnosa na ta, mâ lâta bie ei chho tyh.

RYHPACHANEINA 13:1

“Nama hry liata hrohsopa tlyma, mâ sapa ta chhochhieliena bie a reihpa tlyma vaw pua ei sala, ngiana tlyma, hmonoâhpa tlyma cha pamosa ei sala,