ÂTHAONA 3:8 - Mara Bible RV (BSI)

⁸ Zâlâ noh nai râhsâ ta Zehôvâh Khazohpa cha sadô liata a chareipa pyu thei ei ta, Âdâh nata a lapinô cha sadô liata tho hry liata Zehôvâh Khazohpa cha a nyusai ei ta.

ÂTHAONA 3:8 ပူးပေါင်းရင်းမြစ်များ

ÂTHAONA 18:33

Abeipa cha Abarahâ hnohta bie a rei khai nahta, sie ha ta, Abarahâ chhao a yna su lâ â di haw.

ÂTHAONA 3:10

Ano ta, “Sadô liata na pyu thei na ta, thluahruapa ta ei ypa vâta chi na ta, ei nyu haw,” tah ta.

ZAWBÂ 22:14

A hmô lei nawpa ta meihdo chhapa ta pahli ta, Avâ chôkhu liata tlâ â hlaihlâpa khi,’ tah chi ta.

ZAWBÂ 31:33

Mohropazy taozie hawhta ei hmoparaopazy phihpa ta, Ei moleinazy ei palôh liata ei nyu khiahta cha,

ZAWBÂ 38:1

Chatawhcha Abeipa ta khisô tawhta Zawbâ cha a vaw chhy heih ta:

BIESOZY 15:3

Abeipa mo cha su to liata y ta, Hmo chhiepa nata hmo phapa zy a sai thlâh ha tyh.

ZEREMIAH 23:24

“Ei hmô thei lei nawpa ta, su nyupazy liata a nyu theipa ama y ma?” Abeipa ta a tah. “Avâ nata alei he kei ta bie thlâh ha va na ma?” Abeipa ta a tah.

HÔSIA 10:8

Izarei moleina Ave su sâhpazy cha, Paraopa a châ aw. Ama maisâhzy liata Diahsai nata ahlohzy pyuh aw ta, Tlâhpizy hnohta, “Miah vao teh,” tah aw ei ta, Tlâhthlôhzy hnohta, “Miah vi teh,” ama tah aw.

THEIHTHAINA 26:12

Nama hry liata y aw na ta, nama Khazohpa châ aw na ta, ei phopi nama châ aw.

ZAWNA 1:3

Châhrasala Zawna cha Tâsi lâ tlao a râ awpa ta Abeipa hmiakô tawhta thyu ta. Zôpâ khih lâ zu ta, Tâsi lâ a sie awpa balyh hmô ta. Sie mâ pie ta, Abeipa hmiakô tawhta a râ syulyu ha awpa ta, Tâsi lâ a sie awpazy chhaota balyh chhôh lâ cha a ngia ta.

RAWMA 2:15

Ryhpa raihria cha ama palôh liata ropa a châzie palâsa ei ta, cha cha ama chhie nata pha pahnona ta pahnokhei ta, ama pachâna hmâpa ta a châh ta thailei a pachâ ei ta, a châh ta thai ama pachâ tyh.

RYHPACHANEINA 23:14

Cha pachha awpa ei nata nama chariahpazy nama hmiakô liata cha pie awpa ei ta, Abeipa nama Khazohpa cha nama riehmo liata a vaw hlai tyh tlôh aw ta, chavâta nama riehmo cha a pathaih awpa a châ. Chataleipatala nama hry liata hmo pathaih leipa hmô aw ta, a cha siesai pathlei aw ei.

RYHPACHANEINA 4:33

Mei hry tawhta bie a reihpa Khazohpa ao thei ei chi ta, nama hroh thlâh hapa hawhna heta, Khazohpa ao thei ta a hroh thlâh hapa phopi hropa ama y ma?

RYHPACHANEINA 5:25

Chavâta khazia eima thi aw? Abeipa eima Khazohpa ao eima thei heih khiahta deikua cha, he mei chahra ngaitapa heta miah kâsao aw ta eima thi aw.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

BIEPHUAH 6:15

Chatanachata lei beizy, molaipazy, pheisaih hyutuh chaipazy, hneirôhpazy, thatlôpazy, sei nata khotalaipazy, chyhsa to cha lôpuzy liata nata tlâhpi liata lôpanôzy liata a nyu ei ta,