ÂTHAONA 3:6 - Mara Bible RV (BSI)

⁶ Chanô ta tho theipa cha moh ta, nie awpa châta phapa nata mo la ngaitapa a châpa ta hmô ta, sona hnei thei nawpa tho thei hiatlia chhihpa a châzie a pahno nahta, a thei cha lyu ta, nie ta, a hnohta a ypa a vahpa chhao pie ta, ano chhao nie hra ta.

ÂTHAONA 3:6 ပူးပေါင်းရင်းမြစ်များ

ÂTHAONA 3:12

Âdâh ta, “Na ylâh awpa ta chanô eina piepa chi khata, tho thei cha na pie ta, ei nie haw,” tah ta.

ÂTHAONA 3:17

Âdâh hnohta, “Na lapinô bie nathlie chi ta, ‘Na nie awpa châ vei,’ tahpa ta bie ei cha piepa tho thei na niepa vâta, “Nâma vâta chhaohlei he chhiesapa ta y ha ta, Na hro chhôh zydua ta riethei taopa ta, Chhaohlei thei na nie aw.

ÂTHAONA 39:7

A zibeipa lapinô ta Zawsi cha a mo tawpâ thlâh ha tyh ta, “Nâ ziakhei teh,” tah ta.

ÂTHAONA 6:2

Khazohpa sawchapawzy ta chyhsapa sawchanôzy cha chhithai tah kaw ei ta, ama khopa chyu lapinô ta hnei ei ta.

2 SAMUELA 11:2

Noh kha cha zâlâ nohtla chy ta Dâvi cha a rakhô tawhta thyu ta, abei o vâphuh liata a hlaihlâ ta, vâphuh tawhta chanô pakha a ngai a si ngâpa za hmô ta, cha chanô cha a chhithai ngaitapa châ ta.

1 ABEIZY 13:19

Chatanachata Khazohpa chyhsa cha hrohsopa hnohna chata a lie ha ta. A o liata viahchhâ zy niepa ta, ti zy doh ta.

ZAWBÂ 31:1

“Ei mo châta biehrai tao ha na ta, Kheihta ma laihsa kôpa cha ei moh thei aw?

EZEKIA 24:16

“Chyhsa sawchapawpa y, moh teh, na mo lôhrâtlôna kha eikhapi ta ei cha lapa ha aw. Mâchhie na sa awpa châ leipa ta, na cha awpa châ hra leipa ta, na mothlih a tla awpa châ hra vei.

EZEKIA 24:21

‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.

EZEKIA 24:25

“Nâ deikua cha, chyhsa sawchapawpa y, ama thatlôna, amâ lyna nata ama rônahna, ama mo lôhrâtlôna, ama hro ta a tlaichhaipa nata ama sawchapawzy nata ama sawchanôzy âmo tawhta ei lana noh liata,

HÔSIA 6:7

Âdâh hawhta biehraina parao ei ta, Cha liata eina dôvei ei.

MATHAI 5:28

Châhrasala ei cha chho ei, ahy rai aohraohpa ta chanô a mohpa cha, a palôh ta chanô liata â phei haw.

1 TIMAWTHY 2:14

Âdâh kha dôpa ta y leipa ta, chanô kha dôpa ta y ta, paraona liata a paopa kha a châ.

ZAWSUA 7:21

Hraona sôhzy hry liata Sinâ poh pha ngaitapa nata tâkâ sekel za no nata ngôh tlo sekel sypangawh a hripa hmô na ta, ei hia na tlia ngaita ta, ei vaw la haw. Ei poh o chhôh liata alei ry liata nyu na ta, a ry chai liata tâkâ a y,” tah ta.

1 ZAWHÂNA 2:16

Khizaw liata hmo a ypa zydua, sapa aohraohna, mokhaoh aohraohna nata hro chhôh hneirôna a palaikheina zy he Paw tawhta a puapa châ leipa ta, khizaw tawhta a puapa a châ.

RYUREITUHPAZY 14:17

Ama kyhchhi noh sari chhôh zydua cha a hmiakô liata cha ngâ thlâh ha ta, a noh sarina noh liata, thata â hawpa vâta chho ha ta. Chatawhcha Sâsawna phôh zuapa cha a lapinô ta a chiheihzy cha chho ta.