ÂTHAONA 3:5 - Mara Bible RV (BSI)

⁵ Nama nie noh ta nama mo vaw pavâ aw ta, chhie nata pha pahnopa ta Khazohpa hawhta nama vaw châ ha aw tahpa Khazohpa ta a pahnopa vâta a châ chuh,” tah ta.

ÂTHAONA 3:5 ပူးပေါင်းရင်းမြစ်များ

ÂTHAONA 2:17

chhie nata pha pahnona tho thei deikua he cha na nie awpa rai châ vei. Na nie khiahta cha, na nie noh tlai ta na thi thlyu aw,” tahpa ta biepie ta.

ÂTHAONA 2:9

Zehôvâh Khazohpa ta, mo la ngaitapa nata nie awpa phapa tho chi to chhaohlei tawhta papyusa ta. Sadô liah liata hrona tho y ta, chhie nata pha pahnona tho chhao a y.

ÂTHAONA 3:10

Ano ta, “Sadô liata na pyu thei na ta, thluahruapa ta ei ypa vâta chi na ta, ei nyu haw,” tah ta.

ÂTHAONA 3:22

Zehôvâh Khazohpa ta, “Moh teh u, chyhsapa cha chhie nata pha pahnona hneipa ta keimo hry liata pakha hawh tlai ta a vaw châ ha hih! A ku ta hrona tho chhao pazapa ta nie aw ta, tlyzaw ta a hroh pathlei aw na,” tah ta.

ÂTHAONA 3:7

Ama pano ta ama mo vaw pavâ ta, thluahruapa ama châpa a vaw pahno ei ta, theiku hnazy bieh ei ta, chysia ta a tao ei ta.

1 ABEIZY 22:6

Izarei bei ta hrohsopa za palih rachhôh awpakhy ta, ama hnohta, “Ramôkilia khihpi a dyuh awpa ta ei sie aw ma, ei chalih aw?” tah ta. Âmo ta, “A kaw dyuh teh, Abeipa ta Ramôkilia khihpi cha abei ku liata a pie aw,” tah ei ta,

2 THÂTIHZYRONA 32:15

Chavâta Hezekia a padôveisa leipa u la, cha hawhta a châ chhi chhei awpa ei namâ pasaih awpa châ vei. Hezekia kha zo khuh vy. Kheihawhpa phopi nata khinarâh khazoh hmahta keima ku tawhta tlyma, nâ pathlatuhpazy ku tawhta tlyma, a phopi a pachha theipa y beih veih ei. Nâmo Khazohpa ma ei ku tawhta zua châ pachha aw ei?” tah ta.

HLAZY 12:4

“Eima paleih ta pahnie aw pi ta, Eima hmaozy keimo liata y ta, Eima zibeipa cha ahy ma a châ tly?” A tahtuhpazy chhao, Abeipa ta chhawh pathlah mawh sy.

PUASAINA 20:7

“Abeipa na Khazohpa moh na reih thlâhthli awpa châ vei. Abeipa ta a moh a reih thlâhthlipa cha thailei a pachâsa aw.

PUASAINA 5:2

Phiraoh ta, “Abeipa cha ahy maw? A bie zyh ta, Izarei cha ei pasiesa awpa cha ahy ma a châ? Abeipa cha pahno va na, Izarei chhao pasiesa aw va na,” tah ta.

ISAI 14:14

Meihdozy hlâta a sâh viapa lâ kiah aw na ta, Chônôchaipa hawhta ei y aw,’ tah chi ta.

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

EZEKIA 28:12

“Chyhsa sawchapawpa y, Tyre bei châta chaphôhtuna hla phi la, a hnohta, ‘Abeipa Zehôvâh ta hetana heta a tah,’ tah mah y: “Phapakipa chahnaona kusadi na châ; Sona ta bie chi ta, Chhithai pakipa na châ.

EZEKIA 28:2

“Chyhsa sawchapawpa y, Tyre bei hnohta reih teh, Abeipa Zehôvâh ta hetana heta a tah: “Na palôh lai ta, ‘Khazoh châ na ta, Tilaipizy liah liata, Khazohzy dyuchhai liata ei tyuh,’ tah chi ta, Châhrasala chyhsapa dei na châ; Khazoh palôh hawhta na palôh tao hra la, Khazohpa châ va chi.

EZEKIA 28:9

Khazoh châ leipa chi ta, Chyhsapa deita na châ; Châ thietuhpazy mohmô liata, “Khazoh ei châ,” khâ na tah aw ma? Châ nyhtuhpazy ku liata, “Khazoh ei châ,” khâ na tah aw ma?

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

DÂNIAH 6:7

Abei ta biepiepa tao sala, cha pakhâna biepiepa cha â i kawpa ta hmâ awpa ta, khinarâh liata hyutuh laipa zydua, râh avaotuhpa zydua, bia avaotuhpa zydua, ryhraotuhpa zydua nata râh ryureituhpa zydua ta â ryh eima tah khai. Noh sythôh chhôh nâma lâ tah leipa ta cha, kheihawhpa khazoh tlyma, chyhsa tlyma lâta thlâh a chhâpa cha, Hy abei y, chakeibarôhneipa lôpu liata thypa a châ aw.

MATHAI 6:23

Na mo a rao ha khiahta deikua cha, na pôhpa dua ta a zoh aw. Nâma liata khaihna cha zohna châ ha sala, zohna cha a zoh ngaita aw dia!

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

2 KAWRINI 11:3

Parih ta piehpiepa ta Evâ a dôveipa hawhta, Krista châta nama ngâchhihna nata pathaihna tawhta nama palôhzy a chhi chheipa ta y pathlei lah ei chi tahpa ei chi kaw.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 13:4

Sahrâhpa hnohta a biehneina a piepa vâta, drâkao cha a chhy ei ta. Sahrâhpa chhao cha a chhy ei ta, “Sahrâhpa hawhpa he ahy y, ahy a dyuh thei aw?” tah ei ta.

RYUREITUHPAZY 3:2

Adyuhna a pahno mâh leipa Izarei chhâ vaw y lymâ awpazy ta adyuhzie ama pahno thei nawpa ta, pachuna châta pahlôhpa ama châ.