ÂTHAONA 3:20 - Mara Bible RV (BSI)

²⁰ Âdâh ta a lapinô cha, hmohrohneipa zydua nô a châpa vâta, a moh ta Evâ a bi.

ÂTHAONA 3:20 ပူးပေါင်းရင်းမြစ်များ

ÂTHAONA 16:11

Abeipa vâlyuhchâpa ta a hnohta, “Pachâ teh, saw phaoh chi ta, Sawchapaw na sa aw; Abeipa ta na pasataona a pahnopa vâta, A moh Ismela na bi aw.

ÂTHAONA 2:20

Âdâh ta osa zydua, avâ pavaw zydua nata râhsa zydua ama moh bi khai ta. Âdâh châta deikua cha baotuhpa â khypa y leipa ta.

ÂTHAONA 2:23

Âdâh ta, “He tlai he ei rupazy rupa châ ta, Ei sapazy sapa cha a châ hih; Chapaw tawhta lapa a châpa vâta, ‘Chanô’ tahpa ta bipa a châ aw,” tah ta.

ÂTHAONA 3:21

Zehôvâh Khazohpa ta Âdâh nata a lapinô châta savo chysia taopa ta, a pakysa ei.

ÂTHAONA 35:18

Chatawhcha Râkheli cha thi ha ta, a thlahpa a pathlie hai nota, a moh Benôni tahpa ta kaw reih ta, châhrasala a paw ta Benzami tahpa ta a moh a bi.

ÂTHAONA 5:29

“Abeipa ta chhie a sa hapa chhaohlei liata eima hriapasana nata rietheinazy tawhta phao miah pahua awpa,” tah ta a moh Nôah a bi.

PUASAINA 2:10

Hawtipa cha a kaw lai nahta, Phiraoh sawchanô lâ kei pie ta, a sawchapaw ta â la haw. Phiraoh sawchanô ta, “Ti tawhta ei thaopa a châpa vâta,” tah ta, a moh Mawsi a bi.

MATHAI 1:21

Sawchapaw sa aw ta, a chyhsazy ama moleinazy tawhta a pachha awpa vâta, a moh Zisu na bi aw,” tah ta.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

HMOTAOPAZY 17:26

Alei chô zydua liata pahrâ awpa ta, chyhsa pakha tawhta phopi to tao ta, ama châta daihtizy rao ta, ama y nawpa râhrizy a pakhâh.

2 KAWRINI 11:3

Parih ta piehpiepa ta Evâ a dôveipa hawhta, Krista châta nama ngâchhihna nata pathaihna tawhta nama palôhzy a chhi chheipa ta y pathlei lah ei chi tahpa ei chi kaw.

1 TIMAWTHY 2:13

Âdâh kha tao tuapa châ ta, cha hnôhlâ ta Evâ kha taopa a châ.

1 SAMUELA 1:20

Hânâ cha saw phaoh ta, a daihti a vaw tlô nahta, sawchapaw sa ta, “Abeipa ei hiapa a châ hih,” tah ta, a moh Samuela bi ta.