ÂTHAONA 3:19 - Mara Bible RV (BSI)

¹⁹ Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

ÂTHAONA 3:19 ပူးပေါင်းရင်းမြစ်များ

ÂTHAONA 18:27

Abarahâ ta a chhy ta, “Pachâ tua, kei dohlei nata buchâh heta Abeipa cha bie ei châ chho thei saliah ta, reih thlâh ha tua sah la.

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

ÂTHAONA 23:4

“Kei he nama hry liata khichhaipa nata chihropa châ na ta, ei lapinô ri he hmô khao lei awpa ta ei pabu thei nawpa ta, râh na pie teh u,” tah ta.

ÂTHAONA 3:18

Chhaohlei ta ahloh nata diahsaizy cha papuapa aw ta, Lyu liata chicheipazy na nie aw.

ÂTHAONA 5:5

Âdâh cha kô 930 hroh ta, thi ha ta.

ZAWBÂ 1:21

“Ei nô chhi tawhta Thluahruapa ta vaw pua na ta, Thluahruapa ta ei kua aw. Abeipa ta pie ta, Abeipa ta a la pakhua haw. Abeipa moh cha Reithaipa ta y mawh sy.”

ZAWBÂ 10:9

Ngiachhiepa ta pachâ tua rai, Beihlei hawhta na tao chi ta, Dohlei lâ ma eina pakuasa heih aw chi?

ZAWBÂ 19:26

Ei vo ky khai ha hra sala, Ei sapa chhâ ta Khazohpa cha hmô aw na ta,

ZAWBÂ 21:26

Dohlei liata â lyupa ta a zia ei ta, Châkariepa ta a pahly raihrie ei.

ZAWBÂ 34:15

Sapa zydua â raohpa ta leidia khai aw ei ta, Chyhsapa chhao dohlei lâ a kua heih aw.

ZAWBÂ 4:19

Beihlei o liata a pahrâpazy, Dohlei liata abôna lô a bôpazy, Tâbalâpa hawhta thie naopazy chhochhi cha, A ngâ lei pachai aw dia!

HLAZY 103:14

Kheihawhta taopa ma eima châ tahpa pahno ta, Dohlei dei eima châpa â thei thlâh haw.

HLAZY 104:23

Chyhsapa cha a rai lâ pua ta, Zâlâ taih hriapasa awpa ta a pua tyh.

HLAZY 104:29

Na hmia nyu chi ta, Thlazohpa ta y ei ta; Ama husona la chi ta, Thi ei ta dohlei lâta ama kua heih tyh.

HLAZY 127:2

Mydi ta thyupa ta a pahâ hawh ei chi ta, Hriapasa palôh rietheipa ta pati nama nie tyhpa he, Hraoleipa a châ. Abeipa ta a kyhpachâpazy cha, Mokuh pahâpa ta a pamôsa tyh ei.

HLAZY 22:15

Ei thatlôna beihkao hawhta hi karâpa ta, Ei paleih ei dâh lâta a bai ta, Thina dohlei liata eina soh chi.

HLAZY 22:29

Lei hneirôhpa zydua ta kyhchhipa ta ano cha a chhy aw ei ta, Dohlei lâta a zu awpa zydua ta a hmiakô liata amâ bôh aw; Anosasyh â pahro thei leipa chhao ta Abeipa cha â chhy aw.

HLAZY 90:3

Chyhsapa cha dohlei lâ pakuasa tyh chi ta, A hnohta, “Hy chyhsa saw saih u, Dohlei lâ kua heih teh u!” na tah tyh.

BIESOZY 21:16

Sona lâpi a tleisaipa cha, Athipazy ypakhyna liata â pahâ aw.

BIECHHOTUHPA 1:13

Avâ ry liata hmo a ypa zydua sona ta tlua awpa ta ei palôh hmâh na ta. Khazohpa ta chyhsa sawzy tao awpa a vaw piepazy he tymâna dei a vaw châ.

BIECHHOTUHPA 1:3

Chyhsapa he noh ry liata a hriapasana tawhta Khâpa athôhna ma a hmô tly?

BIECHHOTUHPA 12:7

dohlei a yna tyhpa alei lâ a kua heih hlâta nata thlahpa a pietuhpa Khazohpa lâ a kua heih hlâta, châ Taotuhpa cha khâ a thei mah y.

BIECHHOTUHPA 3:20

Ama pangaina su â lyu khai. Ama zydua ta dohlei tawhtapa châ ei ta, ama zydua ta dohlei lâ ama kua heih.

BIECHHOTUHPA 5:15

A nô chhi tawhta thluahruapa ta a vaw puapa hawhta, thluahruapa ta kua heih aw ta, a hriapasana theilâpazy chhao khâpa hmah a phao thei aw vei.

DÂNIAH 12:2

Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

1 KAWRINI 15:47

Âdâh hmiatuapa cha alei tawhtapa châ ta, dohlei ta taopa a châ. Âdâh panona deikua cha vârâh tawhtapa a châ.

EPHESI 4:28

A paru tyhpa ta paru khao leipa sala, phahlapazy pie awpa a hnei thei nawpa ta, ano ku ta hmo phapa hria sala, hriapasa mawh sy.

1 THYSALAWNIKA 2:9

Unawh saih u, eima hriapasazie nata eima rietheizie zy kha namâ thei aw. Khazohpa thâtihpha eima cha chho nona kha, ahy phaohri hmah eima châ lei nawpa ta, chhô nah zâ ta eima hria tyh.

2 THYSALAWNIKA 3:10

Nama hnohta eima y nona chhao khata, “Rai a hria khoh leipa cha, a nie chhao nie khah sy,” tahpa ta bie eima cha pie khawh.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.