ÂTHAONA 3:15 - Mara Bible RV (BSI)

¹⁵ Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 3:15 ပူးပေါင်းရင်းမြစ်များ

ÂTHAONA 49:17

Dânâ cha lâpi liata parih châ aw ta, Lâthlôh liata vâzi a châ aw; Arâ ngavâhmaothy liata pachu aw ta, Arâ a kiahpa â die lâta a patlasatuhpa a châ aw.

HLAZY 132:11

Abeipa ta Dâvi hnohta hetana heta bie a taih ha ta, A bietai pathleih aw vei: “Na sathei pakha na beidyuchhai liata patyu aw na ta,

ISAI 53:12

Thina taihta a hrona leihtha ta, Moleipazy hry liata rei pâpa ta a ypa chhao ta, Chyhsa hluhpi moleina phaoh ta, Hmoparaopazy châta thlah a chhâpa vâta, Ano cha chyhsa rônahpazy hry liata tovyuh rai aw na ta, Thatlôpazy hry liata hraona sôh a hmô hra aw.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ZEREMIAH 31:22

Hy sawchanô hnôhsypa, Khati taih ma noraihpa ta na y aw? Abeipa ta alei liata hmo thiehpa tao ta, Chanô ta chapaw tlao a pabohsa ha hih.”

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

AMÔSÂ 9:3

Kâmel tlâh laki liata a nyu hra ei sala, Tluapapuapa ta cha tawhtapa cha la aw ei na ta; Tilaipi ry liata nâ nyusai hra ei sala, Cha liata parih bie pie aw na ta âmo cha a pachu aw ei.

MIKÂ 5:3

Chavâta sawzeihpa ta saw a sa hlâlei cha, Abeipa ta âmo cha a heihsai chy aw ta, Cha khai tawhta a unawh laibâhpazy cha, Izarei sawzy lâ ama kua heih aw.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

MATHAI 1:25

Châhrasala Mâri ta sawchapaw a sa hlâ via cha a zialâh vei. Zawsi ta a sawchapawpa moh cha Zisu a bi.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MATHAI 13:38

Lyu cha khizaw châ ta, chi phapa cha khinarâh sawzy ama châ. Sâh pakheipazy cha moleipa sawzy châ ei ta,

MATHAI 23:33

Nâmo, parihzy saih u, nâmo, vâzi pathlazy saih u, hrienasu lâ sie awpa ta pachiana cha kheihta ma nama khôkhâh thei aw?

MATHAI 3:7

Phârisaih nata Saduasi hluhpi ta bâti châ awpa ta ano lâ amâ vypa a hmô nahta, ama hnohta, “Nâmo, vâzi pathlazy saih u! Hiehâhna vaw tlô awpa a râsai awpa ta ahy ma zikyu châ râ ei?

MÂKA 16:18

ku ta parihzy patu aw ei ta, thina châmaih kheihawhpa rai doh hra ei sala, âmo pasasa aw vei. Tlâhleipazy chô liata ama ku pahnieh aw ei ta, ama tlâh lymâ aw,” tah ta.

LUKA 1:76

Chavâta nâ, hawtipa y, Chônôchai hrohsopa tahpa na châ aw. Abeipa lâpizy a chhuahdy awpa ta, A hmia lâta sie aw chi ta,

LUKA 10:19

Pachâ teh u, parihzy nata râh cha-iazy tlybai theina nata khakhaipa hmotaotheina zydua chô liata biehneina ei cha pie ei. Khâpa ta hmah cha pasasa aw veih ei.

LUKA 22:53

Achhyna o liata nama hnohta noh chareih y na ta, na hria tlôh ei chi va. Châhrasala tahmâ he nâmo daihti châ ta, zohna biehneina daihti a châ,” tah ta.

LUKA 24:27

Chatanachata Mawsi nata hrohsopa zydua tawhta pathaopa ta, Biehrai liata ano thâtih ropa zydua cha âmo chhopasia lymâ ta.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

HMOTAOPAZY 13:10

a hnohta, “Nâ, ahripa sawchapawpa, nâ, siana khakhaipa, dôveina nata nôchhiena ta a biepa, Abeipa lâpi palâpa na pakosapa he bâh aw va chi mâ?

RAWMA 16:20

Thlalôhna Khazohpa ta Sâtâ cha nama phei ry liata a tlysao patoh aw. Eima Beipa Zisu Krista ngiachhiena nama hnohta y mawh sy.

RAWMA 3:13

Ama rao cha thlâ a pahypa châ ta, Ama paleih dôna bie reina châta hmâh ei ta, Ama hmao liata parih châmaih a y.

KALATIA 4:4

Châhrasala a daihti â vaw ki nahta, Khazohpa ta chanô sapa a Sawchapawpa, ryhpa ry liata a pihpa cha za tuah ta.

EPHESI 4:8

Chavâta, “Chô lâ a khy nota, Seichâna cha sei ta a chhi ta, Chyhsazy hnohta Hmosaipiepazy a pie ei,” tahpa a châ.

KAOLAOSÂ 2:15

Krista ta ryureituhpazy nata biehneituhpazy cha ama châna pahluh ta, kraws liata âmo cha pahniepa ta, â lâhâhpa ta maophyuhpa ta a tao ha ei.

HEBRAI 2:18

Ano tlai ta reipasaona a tyh ta, pasa a vaw tao hapa vâta, reipasaona a tyhpazy a bao thei ei.

HEBRAI 5:7

Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:8

Ahripa cha âthaona tawhta a molei ngâ thlâh hapa châ ta, chavâta a molei ngâ thlâh hapa chyhsa cha ahripa tawhta a puapa a châ. Ahripa raihria pahleipadia awpa cha, Khazohpa Sawchapawpa â vaw luahna chhâpa a châ.

1 ZAWHÂNA 5:5

Zisu he Khazohpa Sawchapawpa a châ tahpa a ngiapâtuhpa dei leipa ta cha, ahy ma khizaw a tiah thei tly?

BIEPHUAH 12:17

Chavâta drâkao cha chanô chô liata a hiehâh ngaita ta, chanô pathla laibâhpa, Khazohpa biepiepazy a zyhpa nata Zisu bie a pyhpazy a dyuh awpa ta pua ta.

BIEPHUAH 13:7

Mopathaihpazy a dyuh ta pahnie awpa ta pasaipa châ ta, chi to, phopi to, reih to nata râh to chô liata biehneina a hnohta piepa a châ.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 20:10

Âmo dôveituhpa ahripa cha, sahrâhpa nata hrohso pakheipa yna mei nata kaih tipo liata thypa châ ta, chhô nah zâ ta chhâzaw nata tlyzaw ta pasa pataosapa a châ aw.