ÂTHAONA 3:14 - Mara Bible RV (BSI)

¹⁴ Zehôvâh Khazohpa ta parih hnohta, “He hmo na taopa vâta, Osa nata râhsa zydua hlâta, Chhiesa pachaipa na châ aw; Na py ta a lyh aw chi ta, Na hro chhôh zydua ta dohlei na nie aw.

ÂTHAONA 3:14 ပူးပေါင်းရင်းမြစ်များ

ÂTHAONA 3:1

Zehôvâh Khazohpa ta râhsa a taopa zydua hry liata parih cha so piehpie chai ta. Parih ta chanô hnohta, “Khazohpa ta ‘Sadô liata tho thei kheihawhpa hmahta nama nie awpa châ vei’ a cha tah tlai ei ma?” tah ta.

ÂTHAONA 4:11

Chavâta na unawhpa na thie nota, a thisaih palâ awpa ta a pakah a kaw âpa chhaohlei tawhta chhiesapa na châ haw.

ÂTHAONA 9:6

“Khazohpa ta chyhsapa cha, Ano kakuapa ta a taopa vâta, Chyhsapa thisaih a palopa maih cha, Chyhsapa lilaw ta ano thisaih a palo hra aw.

HLAZY 72:9

Râhchawhpa chiphozy a hmiakô liata a bôh ei sala, A chariahpazy cha dohlei palie mawh ei sy!

ISAI 29:4

Panawhpa ta y aw chi ta, Alei ry tawhta bie reih aw chi ta, Dohlei hry tawhta na reipasipasua aw. Thlahmihpa ao hawhta, Alei tawhta na ao vaw pua aw ta; Dohlei hry tawhta, Huthâpa ta bie na reih aw.

ISAI 65:25

Changie nata mietakutaw zy Hmaohkha ta ama tlaih aw; Chakeibarôhneipa cha, Viahchao tôhpa hawhta sâhkô bâ aw ta, Dohlei cha parih pati a châ aw. Ei tlâh pathaihpa liata cha, A pasasa khao leipa aw ei ta, A parao khao aw veih ei,” Abeipa ta a tah.

THEIHTHAINA 20:25

Chavâta sa pathaihpa nata pathaih leipa, pavaw pathaihpa nata pathaih leipa nama panano awpa a châ. Sa tlyma, pavaw tlyma, alei liata alyhpasa tlyma, nama châta pathaih leipa ta ei pananopazy niepa ta, nama hrona cha pasichhihpa ta nama tao awpa châ vei.

MIKÂ 7:17

Parih hawhta dohlei palie aw ei ta, Alei liata âlyhpasazy hawhta dohlei ama palie aw. A chalyuna chôta ama thokhyzy tawhta amâ vy aw; Thlazohpa ta Abeipa eima Khazohpa lâ a heih aw ei ta, Nâ cha ama cha chi ngaita aw.