ÂTHAONA 3:12 - Mara Bible RV (BSI)

¹² Âdâh ta, “Na ylâh awpa ta chanô eina piepa chi khata, tho thei cha na pie ta, ei nie haw,” tah ta.

ÂTHAONA 3:12 ပူးပေါင်းရင်းမြစ်များ

ÂTHAONA 2:18

Zehôvâh Khazohpa ta, “Chapaw ano dei ta a ypa he pha vei, ano baotuhpa â khypa ei taopa aw,” tah ta.

ÂTHAONA 2:20

Âdâh ta osa zydua, avâ pavaw zydua nata râhsa zydua ama moh bi khai ta. Âdâh châta deikua cha baotuhpa â khypa y leipa ta.

ÂTHAONA 2:22

Zehôvâh Khazohpa ta chapaw kâru a lapa tawhna chata chanô tao ta, ano cha chapaw lâ a chhi ta.

ÂTHAONA 3:11

Khazohpa ta, “Thluahruapa ta na ypa cha ahy ma châ chho? Tho thei nie lei awpa ta bie ei cha piepa kha nie ha khiah chi?” tah ta.

ZAWBÂ 31:33

Mohropazy taozie hawhta ei hmoparaopazy phihpa ta, Ei moleinazy ei palôh liata ei nyu khiahta cha,

BIESOZY 19:3

Chyhsa ta ano hruna vâta a lâpi a raopa tlai cha, Abeipa chô liata palôh ruchhôna a hnei tyh.

BIESOZY 28:13

A moleinazy a phihtuhpa cha vânoh to leipa aw ta, A moleinazy palâhâh ta a siesaipa deikua cha zawngiahna a hmô aw.

LUKA 10:29

Dâhthaipa cha thaichâ a chhuahpa ta, Zisu hnohta, “Cha khiahta la ei vaih cha ahy maw?” tah ta.

RAWMA 10:3

Khazohpa siana pahno leipa ta, âmo siana a duakhei a chhuah ei ta, Khazohpa siana liata a ngiarih veih ei.

1 SAMUELA 15:15

Sawla ta, “Amale mo eih amâ vaw chhipa a châ. Abeipa na Khazohpa lâta atheihna hlâ nawpa ta pheisaihzy ta mietaku nata viahchao pha chaipazy ama pahlôh. Ahropa zydua cha tlokhuh eima pahleipadia khai haw,” tah ta.