ÂTHAONA 3:10 - Mara Bible RV (BSI)

¹⁰ Ano ta, “Sadô liata na pyu thei na ta, thluahruapa ta ei ypa vâta chi na ta, ei nyu haw,” tah ta.

ÂTHAONA 3:10 ပူးပေါင်းရင်းမြစ်များ

ÂTHAONA 2:25

Âdâh nata a lapinô cha ama pano ta thluahruapa ta y ei ta, châhrasala ama noza vei.

ÂTHAONA 3:11

Khazohpa ta, “Thluahruapa ta na ypa cha ahy ma châ chho? Tho thei nie lei awpa ta bie ei cha piepa kha nie ha khiah chi?” tah ta.

ÂTHAONA 3:7

Ama pano ta ama mo vaw pavâ ta, thluahruapa ama châpa a vaw pahno ei ta, theiku hnazy bieh ei ta, chysia ta a tao ei ta.

ZAWBÂ 23:15

Chavâta a hmiakô liata thlazohpa ta y na ta, Ei pachâ châh ta, ano cha ei chi ngaita tyh.

ZAWBÂ 31:33

Mohropazy taozie hawhta ei hmoparaopazy phihpa ta, Ei moleinazy ei palôh liata ei nyu khiahta cha,

HLAZY 119:120

Ei pôhpa he nâma chipa ta a chalyu ta, Na pachianazy ei ngiaroh kaw tyh.

PUASAINA 20:18

Chyhsa zydua ta tôkalôhpa, dôhla, chiahmie pyu nata tlâh liata meikhuh zy cha ama hmô nahta, chipa ta a chalyu ei ta, lâhlapi liata a duah ei ta.

PUASAINA 20:19

Mawsi hnohta, “Nâ ta eima hnohta bie vaw reih la, eima nathlie aw. Khazohpa eima hnohta bie pareisa khao khah y. Chataleipatala eima thi pathlei aw na,” tah ei ta.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

PUASAINA 32:25

Zawpi âmo kho ta ama ypa Mawsi ta hmô ta. Arawna ta ama chariahpazy mohmô ta mohnao chhihpa ta yna taihta âmo kho ta a paysapa a châ.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ISAI 47:3

Na thluahruana palâpa châ aw ta, Na nozana hmôpa a châ aw. Phuh la aw na ta, Ahy hmahta pahlôh aw va na.

ISAI 57:11

Ahy ma chi chi ta, Ahy nâ ngiarohpa vâta ma, Haipa bie reih chi ta; Kei nâ thei khao leipa chi ta, Na palôh liata eina so khao vei chi tly? A chalih thlâh ha na ta, Bohpi ei chalih thlâh hapa vâta, Eina chi leipa chi châ vei ma?

RYHPACHANEINA 5:25

Chavâta khazia eima thi aw? Abeipa eima Khazohpa ao eima thei heih khiahta deikua cha, he mei chahra ngaitapa heta miah kâsao aw ta eima thi aw.

1 ZAWHÂNA 3:20

Eima palôh ta thailei miah a pachâsana maihta, Khazohpa cha keimo palôh hlâta a lai viapa châ ta, ato pahnotuhpa a châ tahpa eima pahno.

BIEPHUAH 16:15

“Moh teh u, parutuhpa hawhta ei vy hai! A hrohrua ta, chysia a tobi chiehpa ta a ypa cha a nohlao na. Chataleipatala thluahruapa ta a khie aw ta, chyhsa ta a thluahruana ama hmô pathlei aw!”