ÂTHAONA 3:1 - Mara Bible RV (BSI)

¹ Zehôvâh Khazohpa ta râhsa a taopa zydua hry liata parih cha so piehpie chai ta. Parih ta chanô hnohta, “Khazohpa ta ‘Sadô liata tho thei kheihawhpa hmahta nama nie awpa châ vei’ a cha tah tlai ei ma?” tah ta.

ÂTHAONA 3:1 ပူးပေါင်းရင်းမြစ်များ

BIECHHOTUHPA 4:10

Pakha a pao khiahta cha, pakhapa ta a viasapa cha a pathyu aw. Ano dei ta a ypa deikua cha a hu a po na, a pao tita a pathyu awpa ama y leipa vâta.

ISAI 27:1

Cha noh liata, Abeipa ta a zaozi laipa, tiahpa nata thatlôpa hmâpa ta, Leviathâ parihpi a chakhao ngâpa cha a hrie aw. Leviathâ parihpi a pakipa cha hrie aw ta, tilaipi liata parihpi a ypa cha a thie aw.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

MATHAI 4:3

Reipasaotuhpa a vy ta, a hnohta, “Khazohpa Sawchapawpa na châ khiahta cha, alôzy he viahchhâ lâta a vaw lie awpa ta biepie teh,” tah ta.

MATHAI 4:6

a hnohta, “Khazohpa Sawchapawpa na châ khiahta cha, a zaw pathlah teh, “‘Khazohpa ta nâma kyh liata, A vâlyuhchâpazy biepie aw ta, Na phei alô liata nâ chhuh lei nawpa ta, Ama ku ta ama cha chalo aw,’ Tahpa ta ropa a châ,” tah ta.

MATHAI 4:9

A hnohta, “Â khu lâta pao la, einâ chhy khiah chi ta cha, he hmo zydua he ei cha pie aw,” tah ta.

2 KAWRINI 11:14

Cha cha noâhchhihpa châ vei, Sâtâ chhao ta khaihna vâlyuhchâpa hawhta anosasyh ta â tao tyh.

2 KAWRINI 11:3

Parih ta piehpiepa ta Evâ a dôveipa hawhta, Krista châta nama ngâchhihna nata pathaihna tawhta nama palôhzy a chhi chheipa ta y pathlei lah ei chi tahpa ei chi kaw.

1 PITY 3:7

Cha hawhna chata, nâmo, vahpa saih u, chanô cha hmobaoh rao nao viapa a châ hleikhô ta, nama lapinôzy cha ngiachhiena hro liata ryu nama to lâhpazy ama châpa vâta, nama thlahchhânazy pakhâpa ta a y lei nawpa ta, nama lapinôzy palyupalih u la, pahnothai kawpa ta pahrâ khoh teh u.

BIEPHUAH 12:15

Parih ta chanô cha ti ta a paphaosa thei nawpa ta, chavah hawhta a pakah tawhta ti pachhao ta.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 20:2

Drâkao parih hlôpa, ahripa nata Sâtâ cha patu ta, kô sâh kha châta chahry ta.