ÂTHAONA 29:31 - Mara Bible RV (BSI)

³¹ Liah cha a haopa a châpa Abeipa ta a hmô nahta, a chhi pahy ta, Râkheli deikua cha choh ha ta.

ÂTHAONA 29:31 ပူးပေါင်းရင်းမြစ်များ

ÂTHAONA 11:30

Sârai deikua cha choh ha ta, saw hnei vei.

ÂTHAONA 16:1

Abarâ lapinô Sârai cha Abarâ châta saw sapa thei leipa ta. Sârai cha Izi zuah a moh Hâkarâ ama tahpa seichanô pakha hnei ta.

ÂTHAONA 20:18

Abarahâ lapinô Sârâ vâta Abeipa ta Abimele o liata chanô chhi zydua a khaw khai hapa a châ.

ÂTHAONA 25:21

A lapinô a choh hapa vâta Aisika ta Abeipa lâta thlahchhâ ta, Abeipa ta a hiana cha chyh-ei ta, a lapinô Rebekâ cha saw phaoh ta.

ÂTHAONA 27:41

A paw ta byhnâ a patosa hapa vâta, Zakaw cha Esaw ta a hao kaw ta. Esaw ta a palôh liata, “Ei paw mâchhie eima sa nawpa nohzy a hnia ha ta, cha tina chata ei unawhpa Zakaw cha ei thie aw,” tah ta.

ÂTHAONA 29:30

Zakaw ta Râkheli cha a zialâh hra ta, Liah hlâta Râkheli kyhpachâ via ta, Lâbâ cha kô sari hropa a chakao via heih.

ÂTHAONA 29:32

Liah cha saw phaoh ta, sawchapaw sa ta, “Abeipa ta ei pasataozie a hmôpa vâta a châ, tahmâ cha ei vahpa ta kyh eina pachâ ha aw,” tah ta, a moh Rubena a bi.

ÂTHAONA 30:22

Khazohpa ta Râkheli cha a thei thlâh ha ta. Khazohpa ta a thlahchhâna thei ta, a chhi pahy ta.

ÂTHAONA 35:23

Liah sawchapawzy cha Zakaw sawchapaw uhtheipa Rubena, Simeôna, Livai, Zudâh, Iskâra nata Zebulawna zy ama châ.

HLAZY 127:3

Sawzy he Abeipa tawhta eima ryuto châ ei ta, Sathei he a lymâ miah a piepa a châ.

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

MALAKHAI 1:3

Esaw deikua cha ei hao. A tlâhpizy roryhrapa ta soh na ta, a ryutozy cha râhchawhpa savaizy ei pie ha ei,” Abeipa ta a tah.

MATHAI 10:37

Kei hlâta a paw tlyma, a nô tlyma kyh a pachâ viapa cha, ei chyhsa tlâh châ vei. Kei hlâta a sawchapaw tlyma, a sawchanô tlyma kyh a pachâ viapa chhao, ei chyhsa tlâh châ vei.

MATHAI 6:24

“Ahy hmahta abei pano chakao pabaoh thei aw veih ei. Pakha a hao aw ta, ahropa cha kyh a pachâ aw. Cha leipa chhao ta, pakha rei a ngiah aw ta, ahropa cha a mopakhô aw. Khazohpa nata khizaw sôh chakao pabaoh thei veih ei chi.

LUKA 1:7

Châhrasala Elizabe cha a choh hapa vâta saw hnei leipa ei ta, ama pano ta machâ kaw bâ ei ta.

LUKA 14:26

“Ahy rai ei hnohta a vy khohpa cha, a paw, a nô, a lapinô, a sawzy, a unawhzy, a sietanôzy nata ano hrona tlai chhao â hao vei khiahta cha, ei pachupa châ thei aw vei.

ZAWHÂNA 12:25

Ahy rai a hrona a tlaichhaipa cha, a hrona pahlei aw ta, he khizaw liata a hrona a haopa deikua cha, a hrona cha chhâzaw ta â vao thlâh ha aw.

HMOTAOPAZY 7:8

Khazohpa ta Abarahâ cha chopawtaina biehrai pie ta. Abarahâ cha Aisika sa ta, a noh chariena noh ta a chopaw tai ta, Aisika ta Zakaw sa ta, Zakaw ta pathlatuhpa pahrawh hleinozy kha sa ta.

RYHPACHANEINA 21:15

“Chyhsa ta lapinô pano hnei sala, pakha kho via ta, pakha kho lei via sala, a kho viapa nata a kho lei viapa ta saw sapa raihrie ei sala, sawchapaw uhtheipa cha a kho lei viapa saw châ sala,

RUTHI 4:13

Chatawhcha Bôaza ta Ruthi cha a chhi ta, a lapinô vaw châ ha ta. A zialâh ta, Abeipa ta saw paphaosa ta, sawchapaw sa ta.

1 SAMUELA 1:20

Hânâ cha saw phaoh ta, a daihti a vaw tlô nahta, sawchapaw sa ta, “Abeipa ei hiapa a châ hih,” tah ta, a moh Samuela bi ta.

1 SAMUELA 1:27

He hawtipa he hiapa ta thlahchhâ na ta, Abeipa ta ano liata ei hiapa cha eina pie haw.

1 SAMUELA 1:5

Hânâ deikua cha, Abeipa ta a chhi a khaw hapa chhao ta, a kyh a pachâ ngaitapa vâta, vyuh no a pie tyh.

1 SAMUELA 2:21

Abeipa ta Hânâ cha za tly ta, saw phaoh ta, sawchapaw pathôh nata sawchanô pano sa ta. Hawtipa Samuela cha Abeipa hmiakô liata laiseih lymâ ta.