ÂTHAONA 29:20 - Mara Bible RV (BSI)

²⁰ Chatanachata Zakaw cha Râkheli hnei awpa ta kô sari chakao ta, a kyh a pachâ kawpa vâta, noh chyhta hawhta pachâ ta.

ÂTHAONA 29:20 ပူးပေါင်းရင်းမြစ်များ

ÂTHAONA 24:67

Aisika ta Rebekâ cha a nô Sârâ poh o lâ a ngiakhei ta, Rebekâ cha hnei ta, a lapinô vaw châ ha ta. Aisika ta Rebekâ cha kyhpachâ ngaita ta, chatanachata a nô a thi tawhta thlahpalôhpa ta y ha ta.

ÂTHAONA 29:19

Lâbâ ta, “Ano cha chyhsa hropa ei pie awpa hlâta, nâ ei cha pie awpa cha a pha via. Ei hnohta y thlâh ha mah y,” tah ta.

ÂTHAONA 29:27

Ano châta hâta patloh ha tua la, cha khai tawhta a nawhta chhao cha eima cha pie aw. A nawhta châna chata kô sari hropa eina chakao heih aw chi,” tah ta.

ÂTHAONA 29:30

Zakaw ta Râkheli cha a zialâh hra ta, Liah hlâta Râkheli kyhpachâ via ta, Lâbâ cha kô sari hropa a chakao via heih.

ÂTHAONA 30:26

Ei cha chakaona chhâpa ei lapinôzy nata ei sawzy he na pie la, na pasiesa mah y. A phapa ta ei cha chakaozie kha na pahno khai,” tah ta.

ÂTHAONA 31:15

Khichhaipa hawh dei ta miah pachâ bâ vei mâ? Miah zuah ta, eima mâ chhao a nie khai haw.

ÂTHAONA 34:19

Sekhe cha Zakaw sawchanô chô liata a palôh a tlâh ngaitapa vâta, cha hmo cha pahawh pasâh leipa ta thlai ta tao awpa khoh ta. Sekhe cha a paw o liata a ypa zydua hry liata palyupalih chaipa a châ.

HÔSIA 12:12

Zakaw cha Aramia râh lâ a râ ta, Cha liata Izarei cha lapinô châta a chakao; Lapinô châta mietakuzy a vaih tyh.

HÔSIA 12:13

Hrohsopa hmâpa ta, Abeipa ta Izi tawhta Izarei a kaw chhi ta; Hrohsopa hmâpa ta, A hrôbieh lymâ.

1 KAWRINI 13:7

Kyhpachâna cha ato pasa tao ta, ato a ngiapâ ta, ato hnabeiseih ta, ato liata riethei a tao lylia tyh.

2 KAWRINI 5:14

Chyhsa zydua châta chyhsa pakha a thi khiahta cha, chyhsa zydua cha a thipa ama châ tahpa cha eima bietluna a châpa vâta, Krista kyhpachâna ta miah a tuah raruah.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

1 SAMUELA 18:23

Cha biezy cha Sawla chakaotuhpazy ta Dâvi nah theina liata reih ei ta. Dâvi ta, “Abei piahpa châpa he hmo chynawhpa hawhta a pachâpa dua nama lyu thlâh haw? Keima hawhpa dyhchhiepa nata mohnao chhihpa chyhsa châta cha, hmo naopa naikawh ma châ vâ,” tah ta.