ÂTHAONA 28:3 - Mara Bible RV (BSI)

³ Khazohpa Atotaotheipa ta byhnâ cha pie sala, phopi hluhpi na vaw châ thei nawpa ta, chi hluhpi cha pathlasa sala, cha papôh mawh sy.

ÂTHAONA 28:3 ပူးပေါင်းရင်းမြစ်များ

ÂTHAONA 1:28

Khazohpa ta âmo cha byhnâ awpa ta, ama hnohta, “Chi hluhpi pathlapa ta pôh u la, alei he biepa ta, nama rei sai ta paysa u la, tilaipi ngazy chô liata nata avâ pavawzy chô liata nata alei chô liata a pie thaipa hmohrohneipa to chô liata biehnei muh vy,” tah ta.

ÂTHAONA 13:16

Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw.

ÂTHAONA 17:20

Ismela kyh liata chhao, na biereipa ei thei. Pachâ teh, ano chhao byhnâ ei pie haw. Chi hluhpi pathlasa aw na ta, ama maluh thata ei papôh aw. Bei pahrawh hleino pathlatuhpa châ aw ta, phopi rônahpa ta ei tao aw.

ÂTHAONA 24:60

Rebekâ cha byhnâ awpa ei ta, a hnohta, “Eima sietanô y, Thysâh hluhpi nô vaw châ la; Na pathlazy ta âmo a haotuhpazy Thokhy chhikao hnei mawh ei sy!” tah ei ta.

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 27:33

Aisika cha thata a chalyu ta, “Cha khiah, sa ka ta, kei lâ vaw cheih ta, na vaw tlô hlâta na paniesa ta, a châta byhnâ ei aw hapa kha, ahy ma a châ tly? Chatatlyh, ano tlai kha byhnâ cha a to aw,” tah ta.

ÂTHAONA 35:11

Chatawhcha Khazohpa ta Zakaw hnohta, “Kei he Khazohpa Atotaotheipa châ na ta, Chi hluhpi pathlapa ta pôh mah y. Phopi nata phopi a pazaopakhypazy Nâma tawhta vaw pua aw ei ta, Na chhôh tawhta beizy ama pua aw.

ÂTHAONA 41:52

“Khazohpa ta ei riethei taona râh liata ei chipathla a papôh haw,” tah ta, a panona moh cha Epharai a bi.

ÂTHAONA 43:14

Khazohpa Atotaotheipa ta, cha chyhsa hmiakô liata cha ngiachhie ei sala, cha chyhsa chata nama unawhpa pakha nata Benzami he nama hnohta kaw pasiesa mawh sy! Kei deikua cha, ei sawzy ei pahlei hapa chhao ta, ei pahleipa châ lah vâ,” tah ta.

ÂTHAONA 48:3

Zakaw ta Zawsi hnohta, “Kâna râh Luzi khih liata ei y nota, Khazohpa Atotaotheipa ta ei hnohta a vaw luah ta, byhnâ na awpa ta,

ÂTHAONA 48:4

ei hnohta, ‘Pachâ teh, chi hluhpi cha pathlasa aw na ta, ei cha papôh aw. Phopi hluhpi ta cha tao aw na ta, na hnôhlâ ta na pathla hnohta, he râh he chhâzaw ryuto châta ei pie aw,’ na tah ta.

ÂTHAONA 49:25

Châ bao awpa na paw Khazohpa vâta, Byhnâ châ pie awpa Atotaotheipa vâta, Chô lâ vâ byhnâzy to aw chi ta, A ry lâta ti athupa byhnâzy topa ta, Sâhpi nata chhi byhnâzy na to aw.

ÂTHAONA 9:1

Khazohpa ta Nôah nata a sawchapawzy cha byhnâ awpa ta, ama hnohta, “Chi pathlapa ta pôh u la, alei he bie teh u.

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

HLAZY 127:3

Sawzy he Abeipa tawhta eima ryuto châ ei ta, Sathei he a lymâ miah a piepa a châ.

PUASAINA 1:7

Izarei sawzy cha chi hluhpi pathlapa ta, thata pôh ei ta. Pôh via rili ei ta, ama thatlô ngaita ta, Izi râh cha âmo sai ta bie thlâh ha ei ta.

PUASAINA 6:3

Abarahâ, Aisika nata Zakaw zy hnohta Khazohpa Atotaotheipa ta a vaw luah na ta, ei moh Zehôvâh ta deikua cha ama hnohta a pahnosa va na.

2 KAWRINI 6:18

Nama paw châ aw na ta, Ei sawchapawzy nata ei sawchanôzy nama châ aw, Abeipa Atotaotheipa ta a tah,” a tahpa hawhna khata.

BIEPHUAH 21:22

Achhyna o deikua khihpi chhôh liata hmô va na, Abeipa Khazohpa Atotaotheipa nata Mietakutaw cha khihpi Achhyna o a châpa vâta.

RUTHI 2:4

Bôaza cha Bethlehe tawhta vaw tlô ta, sâh hriatuhpazy hnohta, “Abeipa nama hnohta y mawh sy!” tah ta. Âmo ta, “Abeipa ta byhnâ cha pie mawh sy,” tahpa ta a chhy ei ta.