ÂTHAONA 28:21 - Mara Bible RV (BSI)

²¹ ei paw o lâ thlalôhpa ta ei vaw kua heih khiahta cha, Abeipa cha ei Khazohpa châ aw ta,

ÂTHAONA 28:21 ပူးပေါင်းရင်းမြစ်များ

2 SAMUELA 15:8

Châ chakaotuhpa heta Aramia râh Kesu liata ei y no kha, ‘Abeipa ta Zerusale lâ einâ chhi pakhua heih tlai khiahta cha, Abeipa ei chakao aw,’ tah­pa ta bie a vaw tai ha na ta,” tah ta.

2 SAMUELA 19:24

Sawla samohpa Mephibôse cha abei dy awpa ta zu ta. Abei a pua noh tawhta thlalôhpa ta â vaw lie heih noh taihta, a pheizy mohôh leipa ta, a hmaohmi chhao ngyu leipa ta, a chysiazy chhao pasu hra vei.

2 SAMUELA 19:30

Mephibôse ta abei hnohta, “Ano ta hnei khai thlâh ha lah vâ, ei zibeipa abei ano o lâ thlalôhpa ta a vaw tlô hapa liana heta kei la ei palôh a tlâh na,” tah ta.

2 ABEIZY 5:17

Nâmâ ta a hnohta, “Cha khiahta la, ngiachhiepa ta châ chakaotuhpa he alâ phao no alei na pie mah y. Tahmâ tawhta cha, châ chakaotuhpa heta Abeipa lâ dei leipa ta cha, raopa hlâna nata atheihna zy khazoh hropazy lâta hlâ khao aw va na.

1 THÂTIHZYRONA 4:10

Zabia ta Izarei Khazohpa pado ta, a hnohta, “Byhnâ na piepa ta, ei râh he na pakawhpa la ei tah kaw dia! Ei chô liata na ku y sala, riethei pasana ei chô liata a tlô lei nawpa ta, nâ pasasa thei awpa tawhta na pabohsa mah y!” tah ta. Khazohpa ta a hiapa cha pie ta.

PUASAINA 15:2

Abeipa cha ei thatlôna nata ei hla châ ta, Ano cha ei pachhana a vaw châ haw; Ei Khazohpa châ ta, Ano cha ei reithai aw; Nâ pathlatuhpa Khazohpa châ ta, Ei palyupalih aw.

RYHPACHANEINA 26:17

Tanoh he Abeipa cha nama Khazohpa a châ tahpa phuah ha ei chi ta, a lâpizy a chhihpa ta, a bieraopazy, a biepiepazy nata a pachianazy zyhpa ta, a ao nathlie awpa ta bie namâ taih haw.

RYUREITUHPAZY 11:31

Amawna mo tawhta thlalôhpa ta ei vaw lie tita, khâpa rai na dy awpa ta ei o chhikaozy tawhta a kaw puapa maih cha Abeipa châta châ aw ta, raopa hlâna ta ei hlâ aw,” tah ta.