ÂTHAONA 28:20 - Mara Bible RV (BSI)

²⁰ Zakaw ta, “Khazohpa cha ei hnohta y sala, ei siena lâpi liana heta na vaih sala, viahchhâ nie awpa nata chysia a tao awpa na piepa ta,

ÂTHAONA 28:20 ပူးပေါင်းရင်းမြစ်များ

ÂTHAONA 28:15

Pachâ teh, na hnohta ei y. Na siena maihta cha vaih lymâ aw na ta, he râh lâ he ei châ vaw chhi heih aw. Na hnohta bie ei taihpa he, ei patlô hlâlei cha, cha siesai cheita aw va na,” tah ta.

ÂTHAONA 31:13

Kei he lôbô sathaw na thuna su, ei hnohta bie nâ taihna su, Bethel Khazohpa kha ei châ. Tahmâ thyu la, he râh tawhta pua la, na pina râh lâ kua heih mah y,’ eina tah,” tah ta.

ÂTHAONA 35:3

Thyu sih la, Khazohpa o lâ khy ei suh u. Ei nôpo nota nâ chhy ta, ei siena liata ei hnohta a y lymâpa Khazohpa châta maisâh ei tao aw,” tah ta.

2 SAMUELA 15:8

Châ chakaotuhpa heta Aramia râh Kesu liata ei y no kha, ‘Abeipa ta Zerusale lâ einâ chhi pakhua heih tlai khiahta cha, Abeipa ei chakao aw,’ tah­pa ta bie a vaw tai ha na ta,” tah ta.

1 THÂTIHZYRONA 4:10

Zabia ta Izarei Khazohpa pado ta, a hnohta, “Byhnâ na piepa ta, ei râh he na pakawhpa la ei tah kaw dia! Ei chô liata na ku y sala, riethei pasana ei chô liata a tlô lei nawpa ta, nâ pasasa thei awpa tawhta na pabohsa mah y!” tah ta. Khazohpa ta a hiapa cha pie ta.

HLAZY 116:14

A chyhsa zydua hmiakô liata, Abeipa liata ei bietaizy ei patlô aw.

HLAZY 116:18

A chyhsa zydua hmiakô liata, Abeipa liata ei bietaizy ei patlô aw.

HLAZY 119:106

Na ryhpa siapazy zyh awpa ta, Bietai taopa ta ei pa-i haw.

HLAZY 132:2

Abeipa lâ bie a taih ta, Zakaw Thatlôpa lâta bie a taihpa ta,

HLAZY 22:25

Pakhypi rônahpa liata cha reithai aw na ta, Nâma châ chituhpazy hmiakô liata ei bietai ei patlô aw.

HLAZY 56:12

Hy Khazohpa, bie ei châ taihpazy patlô aw na ta, Alyna biereina hmohlâpa ei cha pie aw.

HLAZY 61:5

Hy Khazohpa, ei bietaizy thei ha chi ta, Na moh a chituhpazy ryuto eina patosa ha chi.

HLAZY 61:8

Chatanachata na moh reithaina hla sa aw na ta, Ei bietaizy noh chareih ei patlô aw.

HLAZY 66:13

Raopa hlânazy chhaota na o liata a vaw ngia aw na ta, Ei bietaizy nâ liata ei patlô aw.

HLAZY 76:11

Abeipa nama Khazohpa liata biezy a taih u la, Nama bietaizy cha patlô muh vy; Chi awpa lâna chata a chheipâh râhzy ta, Hmosaipiepazy vaw cheih mawh ei sy.

ISAI 19:21

Cha noh liata, Abeipa ta Izi mo cha a pahnosa aw ta, Izi mo ta Abeipa cha ama pahno aw. Atheihna nata hmohlâpa ta Abeipa cha a chhypa ta, Abeipa liata bie a taih aw ei ta, ama bietaizy ama patlô aw.

ZAWHÂNA 1:16

Ano pakina tawhta ngiachhiena to chyu pi ta, cha cha ngiachhiena chôta ngiachhie pachhuahna a châ.

HMOTAOPAZY 18:18

Cha hnôhlâ ta, Pawla cha Kawrini liata bohpi y via ta, cha khai tawhta unawhzy cha reih phapa ta a chhaih ta, cha tawhna chata Suria râh lâ balyh ta sie ta. Priskilâ nata Akuilâ chhao a hnohta sie hra ei ta. Pawla cha a bietai a patlô hapa vâta, Kenkaria khih liata a sâ a ngyu ta.

1 TIMAWTHY 6:8

Nie awpa nata chysia a tao awpa eima hnei khiahta cha, chazy liana chata palôhtlâh a paoh ei suh u.

1 SAMUELA 1:11

Abeipa lâta bietai miakha tao ta, a hnohta, “Hy Pheisaihzy Abeipa, na sei­chanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.

1 SAMUELA 1:28

Chavâta kei chhao ta hawtipa he Abeipa lâ ei hlâ lilaw haw. A hro chhôh zydua châta Abeipa lâ hlâ hapa a châ,” tah ta. Chatanachata hawtipa cha, cha liata Abeipa a chhypa ta y ha ta.

1 SAMUELA 14:24

Cha noh liata, Izarei pheisaihzy cha thachhâ panaopa ta y ei ta. A chhâpa cha Sawla ta, “Zâlâ daihti a tlô hlâta nata ei chariahpazy chô liata phuh ei la khai hlâta pati a niepa cha chhiesapa ta y mawh sy,” tahpa ta pheisaihzy cha bietai ta a chahry hapa vâ ei ta a châ. Chavâta pheisaih ahy hmahta pati a padipa y veih ei.