ÂTHAONA 28:18 - Mara Bible RV (BSI)

¹⁸ Zakaw cha mydi kari ta thyu ta, a lahuah ta a hmâpa alô la ta, lôbô châta bô ta, a chô liata sathaw bao ta,

ÂTHAONA 28:18 ပူးပေါင်းရင်းမြစ်များ

ÂTHAONA 21:14

Chatanachata Abarahâ cha mydi kari ta thyu ta, viahchhâ nata savo titheih la ta, Hâkarâ pie ta, a ngiatlâh liata khaih ta, hawtipa nata pasiesa ha ta. Hâkarâ cha sie ta, Besebâ râhchawhpa liata viavipa ta a khiekhâ ta.

ÂTHAONA 22:3

Abarahâ cha mydi kari ta thyu ta, alâ ky padia ta, a chakaotuhpa pano nata a sawchapawpa Aisika a hnohta a chhi ta. Raopa hlâna châta tho patlaw ta, thyu ta, Khazohpa ta a chhopa su lâ sie ta.

ÂTHAONA 28:11

Su miakha kei tlô ta, noh a tla hapa vâta, cha liata a rie ta. Cha su liata alô miakha la ta, a lahuah ta hmâh ta, cha liata a zia ta.

ÂTHAONA 31:13

Kei he lôbô sathaw na thuna su, ei hnohta bie nâ taihna su, Bethel Khazohpa kha ei châ. Tahmâ thyu la, he râh tawhta pua la, na pina râh lâ kua heih mah y,’ eina tah,” tah ta.

ÂTHAONA 31:45

Chatawhcha Zakaw ta alô la ta, lôbô châta bô ta.

ÂTHAONA 35:14

Zakaw ta Khazohpa ta bie â chhona su liata alô bô ta, a chô liata dopa hlâna bao ta, sathaw chhao a chô liata bao hra ta.

ÂTHAONA 35:20

A thlâ chô liata Zakaw ta alô bô ta, cha cha Râkheli thlâ lôbô tahpa ta pahnopa a châ. Tanoh taihta cha liata a y.

2 SAMUELA 18:18

Absalaw kha a hro chhôh ta Bei Saikao liata lô a vaw bô ha ta, “Ei moh a chhy awpa sawchapaw hra hnei tlôh leipa na ta, chavâta ei moh a lei lei nawpa ta keimasasyh ta lô ei bô ha aw,” tah ta, chavâta lôbô cha ano moh bi ta, cha cha tanoh taihta Absalaw Lôbô tahpa a châ.

HLAZY 119:60

Na biepiepazy zyh awpa ta, Hawh leipa ta ei para tyh.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

ISAI 19:19

Cha noh liata, Izi râh liah khophie liata Abeipa châta maisâh y aw ta, a râhri liata Abeipa châta lôbô a y aw.

MALUHREINA 7:1

Mawsi ta achhyna byureih a padua khai nahta, a hmobaoh zydua chhaota sathawthupa ta pathaisa ta. Maisâh nata a beiphiah zydua chhao sathawthupa ta a pathaisa.

ZAWSUA 4:9

Alô miahrawh hleino cha, Zawsua ta Biehrai Byh asytuhpa theihthaipazy aduana su, Zawdâh chavah liah khophie liata bô ta, chazy cha tanoh taihta a y thlâh haw.

1 SAMUELA 7:12

Chatawhcha Samuela ta alô la ta, Mizpâ nata Seni likawh liata bô ta, “Abeipa ta he taih he miah a vaw bao haw,” tah ta, a moh ta Ebeneza a bi.