ÂTHAONA 28:16 - Mara Bible RV (BSI)

¹⁶ Zakaw cha â môpa a kaw hra ta, “He su liata Abeipa a vaw y tlai na, vaw pahno leipa na ta,” tah ta.

ÂTHAONA 28:16 ပူးပေါင်းရင်းမြစ်များ

1 ABEIZY 3:15

Sawlawmaw cha a vaw hra ta, a mâ vaw châ ta. Chatawhcha Zerusale lâ vawh ta, Abeipa Biehrai Byh hmiakô liata a duah ta, raopa hlânazy nata aryhna hlânazy hlâ ta, a chakaotuhpa zydua châta kyhchhi a taopa ei.

ZAWBÂ 33:14

Khazohpa cha kao kha ta reih ta, Kao no ta chhao reih ta, Chyhsapa deikua ta pahno thai tyh vei.

ZAWBÂ 9:11

Pachâ tua, Na vaw chapia ta, Hmô leipa na ta; Ei kiapâh liata sie ta, Pahno va na.

HLAZY 139:7

Na thlahpa tawhta khataih lâ ei sie aw? Na mohmô tawhta khataih lâ ei râ aw?

HLAZY 68:35

Hy Khazohpa, na supathaihpa liata chizapa châ chi ta, A phopi hnohta hmotaotheina nata thatlôna a piepa, Izarei Khazohpa na châ. Khazohpa cha reithaipa ta y mawh sy!

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 3:4

Mo awpa ta a kei tleipa cha Abeipa ta a hmô nahta, Khazohpa ta thobuh hry tawhta vaw aw ta, “Mawsi, Mawsi!” tah ta. Mawsi ta, “He liata ei y,” tah ta.

PUASAINA 3:5

Khazohpa ta, “A vaw hnia kha, na pheikyzy kha pahluh teh, nâ duana alei kha su pathaihpa a châ,” tah ta.

ISAI 8:13

Pheisaihzy Abeipa deita cha, Pathaihpa ta rao aw ei chi ta; Ano deita cha nama chipa châ sala, Ano cha nama chihuhpa châ mawh sy.

ZEREMIAH 31:26

Cha nona chata a vaw hra na ta, mohmia pasaih na ta, ei mokuh pahâh ngaitapa ta ei môpa vaw châ ta.

MALUHREINA 12:6

Abeipa ta, “Ei bie nathlie teh u: Nama hry liata hrohsopa a y khiahta cha, kei, Abeipa ta aluahna ta a hnohta a pahnosa na ta, mâ lâta bie ei chho tyh.

ZAWSUA 5:13

Zawsua cha Zerikô khihpi kiapâh liata a y nota, mohmia pasaih ta, a hmiakô liata chyhsa pakha, zaozi a paih tawhta phia chiehpa a chabapa ta a vaw duah thlâh ha ta. Zawsua ta kei pangai ta, a hnohta, “Keimo chhâh a châpa ma na châ, eima khakhaipazy chhâh a châpa chi maw?” tah ta.

ZAWSUA 5:15

Abeipa pheisaihzy hyutuhpa ta Zawsua hnohta, “Na pheiky kha pahluh teh. Nâ duana su kha su pathaihpa a châ,” tah ta. Cha hawhna chata Zawsua ta a pheiky cha pahluh ta.