ÂTHAONA 28:14 - Mara Bible RV (BSI)

¹⁴ Na pathlazy cha alei liata dohlei zie châ aw ei ta, notla lâ, nochhi lâ, maw nata chho lâzy lia nama pôh lymâ aw. Nâ nata na chipathla liata khizaw pho to ama hu â hieh aw.

ÂTHAONA 28:14 ပူးပေါင်းရင်းမြစ်များ

ÂTHAONA 12:3

Byhnâ châ awpatuhpa maih byhnâ awpa aw na ta, Chhie châ sapatuhpa maih chhie ei sapa aw; Alei chô liata chi to pho to, Nâma vâta byhnâ topa ta ama y aw,” tah ta.

ÂTHAONA 13:14

Lawta ta Abarâ â pasiesai tawhta, Abeipa ta Abarâ hnohta, “Na yna tawhna khata mohmia pasaih la, maw nata chho lâ zy, nochhi nata notla lâzy sai tua.

ÂTHAONA 13:15

Râh na hmôpa zydua nâma nata na pathlazy hnohta chhâzaw châta ei cha pie aw ei.

ÂTHAONA 13:16

Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw.

ÂTHAONA 18:18

Abarahâ cha phopi rônahpa nata thatlôpa vaw châ tlai aw ta, ano liata khizaw phopi zydua byhnâ topa ta ama y aw.

ÂTHAONA 22:17

byhnâ cha awpa tlai aw na ta, avâ liata awhsi zie nata tilaipi kiah liata sadi zie ta na pathlazy papôh aw na ta, na pathlazy ta ama chariahpa khihpizy ama hnei aw.

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 32:12

Nâma ta, ‘A phapa ta cha tao tlai aw na ta, na pathlazy cha tilaipi sadi rei tiah leipa tlu ta hluhpa ta ei cha tao aw,’ tah chi ta,” tah ta.

ÂTHAONA 48:16

Hmo pha leipa zydua tawhta nâ chatlaituhpa Vâlyuhchâpa ta, Hawtizy he byhnâ pie sala, Âmo liata ei moh phaoh lymâpa châ mawh sy. Nâ pathlatuhpa Abarahâ nata Aisika zy moh chhao, Phaoh lymâpa châ sala; Alei chô liata thata vaw pôh mawh ei sy,” tah ta.

ÂTHAONA 48:19

Châhrasala a paw ta khoh leipa ta, “Ei pahno na, ei sawchapawpa y, ei pahno na. Manase chhao phopi miakha vaw châ hra aw ta, a vaw rônah hra aw. Châhrasala a nawhta he ano hlâta rônah via aw ta, a chipathla cha phopi hluhpi a vaw châ aw,” tah ta.

2 THÂTIHZYRONA 1:9

Hy Zehôvâh Khazohpa y, ei paw Dâvi hnohta na bietai kha tahmâ patlô mah y. Nâma tlai ta alei dohlei zie ta a hluhpa phopi chô liata bei ta eina tao chi hih.

HLAZY 72:17

A moh chhâzaw ta y sala, Noh a chhi chhôh zydua cha, A moh pathâh lymâ mawh sy! Phopi cha ano liata byhnâ topa ta y sala, Râh zydua ta ano cha nohlaopa tah mawh ei sy!

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

ISAI 54:3

Chachâh lâ nata chavei lâta hiepatlapa ta y aw chi ta, Na chipathlazy ta râhzy la aw ei ta ama hnei aw; Roryhrapa ta a y hapa khihpizy liata, Chyhsa ama pahrâsa heih aw.

MALUHREINA 23:10

Ahy ma Zakaw dohlei reih thei aw ta, Ahy ma Izarei doh khuh a paki thei aw? Mosiapa thipa hawhta thi sah la, Ano chhâna hawhta ei chhâna châ mawh sy!” tah ta.

MATHAI 8:11

Ei cha chho ei, nochhi notla tawhta chyhsa hluhpi a vy aw ei ta, Abarahâ, Aisika nata Zakaw zy hnohta vârâh khinarâh liata amâ tyuh aw.

HMOTAOPAZY 3:25

Nâmo he hrohsopazy saw châ ei chi ta, Khazohpa ta châ pathlatuhpazy hnohta biehrai tao ta, Abarahâ hnohta, ‘Na pathla tawhta khizaw liata phopi to byhnâ topa ta ama y aw,’ a vaw tahpa biehrai sawzy nama châ.

KALATIA 3:16

Bietaizy cha Abarahâ nata a chipathla hnohta taopa a châ. “Chipathlazy hnohta,” tahpa ta chyhsa hluhpi hnohta bie hraipa châ leipa ta, “Na chipathla hnohta,” tahpa ta mopakha a nuapa ta biehraipa châ ta, cha cha Krista a châ.

KALATIA 3:8

Zenitaizy cha ngiapâna vâta Khazohpa ta thai a pachâsa aw ei tahpa Biehrai ta pahno chhielie ta, “Nâma liata phopi to byhnâ topa ta ama y aw,” tahpa ta Abarahâ hnohta thâtihpha a vaw chho chhielie hapa a châ.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

RYHPACHANEINA 12:20

“Nama hnohta a bietai hawhta, Abeipa nama Khazohpa ta nama râh a pakawh tita, nama aoh liata sa a chhaoh sala, “Sa eima nie aw,” nama tah khiahta cha, nama khona daihti maihta sa nama nie thei aw.

RYHPACHANEINA 13:17

Hraona sôh hmoziehpazy kheihawhpa hmah nama hria awpa châ vei. Chatanachata Abeipa cha a hiehâhna ru ngaitapa tawhta a palôh pananopa ta, a zawngiahna nama chô liata palâsa aw ta, châ pathlatuhpazy hnohta bie â taihpa hawhta, cha ngiachhie aw ei ta, a cha papôh aw ei.

BIEPHUAH 7:4

Chatawhcha chahnaopa zie ama reipa kyh thei na ta, Izarei saw chi to tawhta 144,000 chahnaopa ama châ:

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.