ÂTHAONA 28:12 - Mara Bible RV (BSI)

¹² Mâ sa ta, alei chô liata hleidy a vaw daopa hmô ta, hleidy pawhmao cha avâ daih ta. Khazohpa vâlyuhchâpazy ta hleidy chô liata kiah heih, chô heih, ama tah ngâpa hmô ta.

ÂTHAONA 28:12 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

ÂTHAONA 15:12

Noh a tla hai nota, Abarâ cha a mokuh thata vaw ei ta, a mô ha ta. Zohna rarôh y ngaitapa nata chichhihpa ta ano cha vaw khu ta.

ÂTHAONA 20:3

Châhrasala Khazohpa ta Abimele hnohta zâ ta a mâ lâta a vaw luah ta, a hnohta, “Pachâ teh, lapinô ta na hneipa chanô vâna khata na thi aw. Ano kha chyhsa lapinô a châ,” tah ta.

ÂTHAONA 41:1

Kô no a khô tawhta, Phiraoh ta mâ sa ta. A mâ lâta chavah kiah liata a duah ta.

1 ABEIZY 19:5

Ophi buh ry liata a zia ta, a mô ha ta. Vâlyuhchâpa ta vaw hria ta, a hnohta, “Thyu la nie teh,” tah ta.

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

DÂNIAH 7:1

Babylaw bei Belsâza abeina kô khana liata, Dâniah cha a rakhô liata â zia thlâh ha nota, mâsapa nata a luh liata aluahnazy hmô ta. Chatanachata a mâsapa cha roh ta, a hmo hmôpazy cha reih ta.

MALUHREINA 12:6

Abeipa ta, “Ei bie nathlie teh u: Nama hry liata hrohsopa a y khiahta cha, kei, Abeipa ta aluahna ta a hnohta a pahnosa na ta, mâ lâta bie ei chho tyh.

MATHAI 1:20

Châhrasala he hmo he a pachâ hai nota, Abeipa vâlyuhchâpa cha a hnohta a mâ lâta a vaw luah ta, “Dâvi sawchapawpa Zawsi y, Mâri na lapinô ta hnei awpa chi khah y. A saw phaopa kha Thlahpa Pathaihpa ta a paphaosapa a châ.

MATHAI 2:19

Herawda a thi tawhta, Abeipa vâlyuhchâpa ta Izi râh liata Zawsi hnohta a mâ lâta a vaw luah ta,

ZAWHÂNA 1:51

Chatawhcha a hnohta, “Hmeiseihta ta ei cha chho ei, avâ a pahypa hmô aw ei chi ta, Chyhsa Sawchapawpa chô liata Khazohpa vâlyuhchâpazy ama za chôpa nata ama kiapa nama hmô aw,” tah ta.

HEBRAI 1:1

Hlâno ta hrohsopazy hmâpa ta Khazohpa ta miah pathlatuhpazy hnohta ei hluhpi nata kyh to ta bie vaw reih tyh ta,

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.