ÂTHAONA 27:41 - Mara Bible RV (BSI)

⁴¹ A paw ta byhnâ a patosa hapa vâta, Zakaw cha Esaw ta a hao kaw ta. Esaw ta a palôh liata, “Ei paw mâchhie eima sa nawpa nohzy a hnia ha ta, cha tina chata ei unawhpa Zakaw cha ei thie aw,” tah ta.

ÂTHAONA 27:41 ပူးပေါင်းရင်းမြစ်များ

ÂTHAONA 27:42

A sawchapaw uhtheipa Esaw bie cha Rebekâ chho ei ta. Chyhsa tuah ta, a sawchapaw seihnaipa Zakaw cha kei paawsa ta, a hnohta, “Na uhta Esaw ta, thie châ chhuahpa ta anosasyh ta thlah â palôh.

ÂTHAONA 32:11

Ngiachhiepa ta ei uhta Esaw ku tawhta na pachha mah y. A vy aw ta, nôzy nata sawzy chhaota miah a thie khai aw tahpa ei chi ngaita.

ÂTHAONA 32:3

Zakaw ta Edômâ râh Seirâ tlâh liata a pahrâpa a uhta Esaw lâta lyuhchâpazy pasiesa chhielie ta.

ÂTHAONA 32:6

Lyuhchâpazy cha Zakaw lâ vaw kua ei ta, a hnohta, “Na uhta Esaw kô kei tlô pi ta, cha dy awpa ta â vy hai. Chyhsa za palih a hnohta â vaw chhi ei,” tah ei ta.

ÂTHAONA 35:29

Aisika cha a thlahpa pathlie ta, machâpa a chhâ palopa ta thi ta, a chiheihzy hnohta pahlyhpa ta y ta. A sawchapawpa Esaw nata Zakaw ta ama pabu.

ÂTHAONA 37:18

A unawhzy ta Zawsi cha lâhlapi tawhta vaw hmô ei ta, ama kô chhao a tlô hlâta, thie awpa ta arulâta a paraoh chhielie ei ta.

ÂTHAONA 37:4

Ama paw ta ano cha a unawh zydua hlâta kyh a pachâ via tahpa a unawhzy ta ama pahno nahta, ano cha a hao kaw ei ta, reikah phapa rai hlâ khoh leipa ei ta.

ÂTHAONA 37:8

A unawhzy ta a hnohta, “Nâ bao hra heta eima chô liata ryu na reih aw mâ? Nâ bao hra heta eima chô liata bie na hnei aw ma?” tah ei ta. A mâsapazy nata a biereipazy vâta ano cha a hao via rili ei ta.

ÂTHAONA 50:15

Ama paw a thi hapa ama hmô nahta, Zawsi unawhzy ta, “Zawsi ta miah a hao aw ta, a chô liata hmo pha leipa eima taopa zydua kha viari miah a thô bâ aw,” tah ei ta.

ÂTHAONA 50:2

Zawsi ta a chakaotuhpa dawhtyzy hnohta a paw ri cha thu thei leipa ta tao awpa ta biepie ta. Dawhtyzy ta Izarei ri cha thu thei leipa ta tao ei ta.

2 THÂTIHZYRONA 35:24

A chakaotuhpazy ta talailih tawhta la ei ta, ano talailih hropa liata soh ei ta, Zerusale lâ siekhei ei ta. Bei Zôsia cha thi ta, a pathlatuhpazy thlâsu liata pabu ei ta. Zudâh nata Zerusale mo zydua ta Zôsia mâchhie sa ei ta.

HLAZY 142:3

Keima liata ei thlahpa a panao nota, Ei lâpi na pahno. Ei siena lâpi liata, Khoheih eina chôkhâh tyh ei.

HLAZY 35:14

Ei viasa nata ei unawh zy ei taokheipa hawh ei ta, Âmo cha taokhei laih ei na ta, A nô châta chaphôh a tupa hawhta, A bôh na ta mâchhie ei sapa tyh ei.

HLAZY 37:16

Mosiapa hmo chyhta hneipa cha, Moleipa hmo hluhpi hneipa hlâta a pha via.

BIESOZY 1:16

Moleina lâta ama pheizy a râ ta, Thisaih palo awpa ta amâ para tyh.

BIESOZY 18:19

Unawh pasasa hapa cha khihpi thatlôpa hlâta pahnie ru via ta, Cha hawpa ahryuna cha thokhy tlâh hawhta a châ.

BIESOZY 6:14

Chyhsa parao khohna palôh phaopa ta, Hmo chhiepa tao a chhuah ta, Achhaihna chi a tu lymâ.

BIECHHOTUHPA 7:9

Hiehâhna cha ahrupazy palôh liata riehmo a paryhpa châ ta, Chavâta hiehâh awpa ta na palôh a para khah y.

EZEKIA 35:5

“Izarei khâ a khakhai chi ta, Izarei sawzy cha ama chhiena nata âmo hriena chhâna daihti liata, zaozi hmotaotheina liata na hlâ ha ei.

RYHPACHANEINA 34:8

Izarei sawzy ta Mawsi cha Môabâ bypi liata noh sythôh chakhei ei ta. Mawsi chakheipa ta ama mâchhiesana nohzy cha chhâ ta.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.