ÂTHAONA 27:29 - Mara Bible RV (BSI)

²⁹ Phopizy ta cha chakao ei sala, Râhzy ta châ naoh mawh ei sy! Na unawhzy chô liata bei ta y la, Na nô sawzy ta châ naoh mawh ei sy! Chhie châ sapatuhpa maih, Chhiesapa ta y ei sala; Byhnâ châ awpatuhpa maih, Byhnâ topa ta y mawh ei sy!” tah ta.

ÂTHAONA 27:29 ပူးပေါင်းရင်းမြစ်များ

ÂTHAONA 12:3

Byhnâ châ awpatuhpa maih byhnâ awpa aw na ta, Chhie châ sapatuhpa maih chhie ei sapa aw; Alei chô liata chi to pho to, Nâma vâta byhnâ topa ta ama y aw,” tah ta.

ÂTHAONA 25:33

Zakaw ta, “Bie nâ taih tua teh,” tah ta. Esaw ta Zakaw cha bie a taih ta, cha noh ta sawchapaw uhtheipa a châna tovyuh cha Zakaw hnohta zuah ha ta.

ÂTHAONA 27:30

Aisika ta Zakaw châta byhnâ a aw khaipa nahta, Zakaw cha a paw Aisika hmiakô tawhta a pua pathla hlâta, a uhta Esaw cha râh â khiena lâ tawhta vaw tlô ta.

ÂTHAONA 27:37

Aisika ta a hnohta, “Ano cha na bei ta ei tao haw. A unawhpa zydua ano chakaotuhpa ta pie na ta, sâh nata kresawhti ta ei pasa haw. Ei sawchapawpa y, na châta khâpa ei tao thei khao aw?” tah ta.

ÂTHAONA 27:40

Na zaozi ta hroh aw chi ta, Na unawhpa na chakao aw; Na pua tita deikua cha, A raopaky na rao tawhta na pahluh aw,” tah ta.

ÂTHAONA 37:10

A mâsapa cha a paw nata a unawhzy a chho nahta, a paw ta ano cha ra ta, a hnohta, “Na mâsapa cha khâpa mâ ma a châ tly? Kei nata na nô nata na unawhzy heta a bôhpa ta eimâ châ naoh tlai aw mâ?” tah ta.

ÂTHAONA 37:7

Lyu liata sapiahzy chahry pi ta, keima sapiah tlai cha kaw thyu ta, a kaw duah ta, nâmo sapiahzy ta vaw chadô ei ta, a bôh ei ta, keima sapiah cha amâ naoh ngâ kaw,” tah ta.

ÂTHAONA 9:27

Khazohpa ta Zaphethâ cha palai sala, Semâ poh ozy liata pahrâ sala, Kâna cha ama sei ta y mawh sy,” tah ta.

1 ABEIZY 22:47

Edômâ râh liata bei y leipa ta, bei vyuhpa ta a ypa ta ryureih ta.

1 ABEIZY 4:21

Sawlawmaw cha Ufrâti tawhta Philistinâ râh nata Izi râhri taihta râh zydua chô liata ryureih ta. Ano lâ râhpawzy pie ei ta, a hro chhôh zydua ta Sawlawmaw cha ama chakao lymâ.

1 THÂTIHZYRONA 5:2

Zudâh cha a unawhzy hry liata thatlô chaipa châ ta, ryureituhpa chhao ano tawhta pua ta, châhrasala sawchapaw uhtheipa tovyuh deikua cha Zawsi eih a châ.

HLAZY 72:8

Tilaipi tawhta tilaipi taihta biehnei sala, Chavah tawhta alei chhâna taihta biehnei mawh sy!

ISAI 45:14

Abeipa ta hetana heta a tah: “Izi hneirôna nata Kusi sôdaohna zy nâ lâ a vy aw ei ta, Sâbia doh seihpazy nâ lâ amâ vy aw; Na eih châ aw ei ta, Nâ ama cha pazi aw. Bâlia chhaota nâ lâ a vy aw ei ta, Na hmiakô liata amâ bôh aw. ‘Khazohpa cha na hnohta y tlai ta, Khazoh hropa y veih ei, Nâ leipa ta Khazohpa hropa rai y veih ei,’ Tah aw ei ta, Ngiachhiena ama châ haw aw.”

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 60:12

Châ chakao khoh leipa Phopi nata khinarâh cha a leidia aw; Cha phopizy cha, Tlokhuh pahleipadia khaipa a châ aw.

ISAI 60:14

Pasa châ pataosatuhpa sawchapawzy cha, A bôhpa ta nâ lâ a vy aw ei ta; Châ mohnaotuhpa zydua chhao, Na phei thaby liata amâ bôh aw. “Abeipa Khihpi” cha tah aw ei ta, “Izarei Mo Pathaihpa Zaio Khihpi” ama cha tah aw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

MALUHREINA 23:8

Khazohpa ta chhie a sapa leipa cha, Kheihta chhiesapa thei aw na ta; Khazohpa ta thailei a pachâsa leipa cha, Kheihta thailei ei pachâsa thei aw?

MALUHREINA 24:18

Edômâ cha pahniepa châ aw ta, A chariahpazy ta Seirâ ama tiah aw; Izarei deikua a chhyu rili aw.

MALUHREINA 24:9

Chakeibarôhneipa tôhpa hawhta a byu ta, Chakeibarôhneipa panô hawhta â zia; Ahy a pathyu ngâh aw? Byhnâ châ awpatuhpa cha byhnâ to sala, Chhie châ sapatuhpa cha chhiesapa châ mawh sy,” tah ta.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 25:45

Ano ta a chhy aw ei ta, ama hnohta, ‘Hmeiseihta ta ei cha chho ei, he chyhsa chyh chaipazy hryta pakha chô liata nama tao leipa cha, ei chô liata a tao leipa nama châ,’ a tah aw ei.

RAWMA 9:12

a hnohta, “Uhthei viapa ta seihnai viapa a chakao aw,” tahpa ta chhopa a châpa kha.

BIEPHUAH 19:16

A poh liata nata a byhpi liata, “Beizy Beipa nata hyutuhpazy Hyutuhpa,” tahpa moh ropa a hnei.