ÂTHAONA 26:31 - Mara Bible RV (BSI)

³¹ Mydi ta thyu ei ta, bie a taih raihrie ei ta. Aisika ta âmo cha pasiesa ta, ano tawhta thlalôhpa ta pua ha ei ta.

ÂTHAONA 26:31 ပူးပေါင်းရင်းမြစ်များ

ÂTHAONA 14:22

Abarâ ta Sawdawmâ bei hnohta, “Lei nata vâ hneituhpa Khazohpa Chônôchaipa, Abeipa lâta bie a taih ha na ta,

ÂTHAONA 19:2

Lawta ta, “Ei zibeipa saih u, ei châ haw ei, ngiachhiepa ta châ chakaotuhpa o liata vaw tlô u la, a rie u la, nama pheizy a si teh u. Mydi ta thyu aw ei chi ta, nama sie nawpa lâ cha si lah vâ ei chi,” tah ta. Âmo ta, “Châ vei, khiliah liata tlao eimâ rie aw,” tah ei ta.

ÂTHAONA 21:14

Chatanachata Abarahâ cha mydi kari ta thyu ta, viahchhâ nata savo titheih la ta, Hâkarâ pie ta, a ngiatlâh liata khaih ta, hawtipa nata pasiesa ha ta. Hâkarâ cha sie ta, Besebâ râhchawhpa liata viavipa ta a khiekhâ ta.

ÂTHAONA 21:23

Kei ta na chô liata phana ei palâsapa hawhna heta, nâ chhao kei nata na khichhai châna râh chô liana heta phana palâsa hra mah y. Kei nata ei sawzy nata ei pathlazy chô liata â doleipa ta tao lei awpa ta, tahmâ Khazohpa moh ta bie nâ taih mah y,” tah ta.

ÂTHAONA 21:27

Abarahâ ta mietakuzy nata viahchao tôhpazy a chhi ta, Abimele cha pie ta, chatanachata ama pano likah liata biehrai tao ei ta.

ÂTHAONA 22:3

Abarahâ cha mydi kari ta thyu ta, alâ ky padia ta, a chakaotuhpa pano nata a sawchapawpa Aisika a hnohta a chhi ta. Raopa hlâna châta tho patlaw ta, thyu ta, Khazohpa ta a chhopa su lâ sie ta.

ÂTHAONA 25:33

Zakaw ta, “Bie nâ taih tua teh,” tah ta. Esaw ta Zakaw cha bie a taih ta, cha noh ta sawchapaw uhtheipa a châna tovyuh cha Zakaw hnohta zuah ha ta.

ÂTHAONA 26:32

Cha noh lilaw ta Aisika chakaotuhpazy vaw tlô ei ta, ama tikhaoh chaopa thâtih chho ei ta, a hnohta, “Ti eima hmô haw,” tah ei ta.

ÂTHAONA 31:44

Tahmâ a vy teh, nâma nata keima likah liata biehrai tao sih la, cha cha keima nata nâma likah liata pahnokheituhpa châ mawh sy,” tah ta.

ÂTHAONA 31:55

Mydi kari ta Lâbâ cha thyu ta, a samohzy nata a sawchanôzy cha a pahnâ ta, âmo châta byhnâ awpa ta. Cha khai tawhta Lâbâ cha sie ta, a yna su lâ â lie haw.

HEBRAI 6:16

Chyhsazy ta âmo hlâta rônah viapa moh reipa ta bie a taih tyh ei ta, aeichhiana ama hneipa to liata chhao, bietai cha bietluna pa-ina châta ama hmâh tyh.

1 SAMUELA 14:24

Cha noh liata, Izarei pheisaihzy cha thachhâ panaopa ta y ei ta. A chhâpa cha Sawla ta, “Zâlâ daihti a tlô hlâta nata ei chariahpazy chô liata phuh ei la khai hlâta pati a niepa cha chhiesapa ta y mawh sy,” tahpa ta pheisaihzy cha bietai ta a chahry hapa vâ ei ta a châ. Chavâta pheisaih ahy hmahta pati a padipa y veih ei.

1 SAMUELA 20:3

Dâvi ta bie a taih heih ta, Zawnathâ hnohta, “Eina ngiachhiezie chi he na paw ta pahnopasia ta, chavâta, ‘He hmo he la Zawnathâ ta pahno khah sy, chataleipatala a pachâ a rôh kaw aw na,’ a tahpa vâta a châ aw. Abeipa hrona nata nâma hrona reipa ta ei reih, hmeiseihta ta la, keima nata thina likawh he keih kha deita â hla bâ,” tah ta.

1 SAMUELA 30:15

Dâvi ta a hnohta, “Cha pheisaihzy yna lâ cha einâ chhi thei aw chi ma?” tah ta. Ano ta, “Na thie lei awpa nata ei zibeipa ku liata na hlâ lei awpa ta, Khazohpa moh ta bie einâ taih khiah chi ta cha, pheisaihzy yna lâ cha ei châ chhi aw,” tah ta.