ÂTHAONA 26:12 - Mara Bible RV (BSI)

¹² Aisika cha, cha râh liata chi cheih ta, Abeipa ta byhnâ pie ta, cha kô ta a lie za kha ta kô pavei ta.

ÂTHAONA 26:12 ပူးပေါင်းရင်းမြစ်များ

ÂTHAONA 24:1

Abarahâ cha vaw machâ ta, pawpi kaw bâ ta. Abeipa ta Abarahâ cha kyh to liata byhnâ pie ta.

ÂTHAONA 24:35

Abeipa ta ei zibeipa cha byhnâ thata pie ta, chyhsa hneirôhpa a vaw châ haw. Abeipa ta ano cha mietaku nata viahchao zawzy, tâkâ nata ngôhzy, seichapaw nata seichanôzy, râraoseihpa nata alâzy pie ta.

ÂTHAONA 25:11

Abarahâ a thi tawhta, Khazohpa ta a sawchapawpa Aisika cha byhnâ pie ta. Aisika cha Belahairô kiapâh liata pahrâ ta.

ÂTHAONA 26:29

Na pei cha hria leipa pi ta, hmo phapa dei leipa ta na chô liata khâpa hmah tao beih leipa pi ta, thlalôhpa ta eima cha pasiesapa hawhna khata, nâ chhao ta eima chhie nawpa na tao lei nawpa ta, na hnohta biehrai tao awpa eima khoh. Tahmâ cha Abeipa ta byhnâ a piepa na châ haw,” tah ei ta.

ÂTHAONA 26:3

He râh liata y chy la, na hnohta y aw na ta, byhnâ ei cha pie aw. He râh zydua he nâma nata na pathlazy ei cha pie aw ei. Na paw Abarahâ hnohta bie ei taihpa kha ei pa-i aw.

ÂTHAONA 30:30

Ei vaw tlô no kha a chyhta dei hnei chi ta, tahmâ cha a hluhpi ama vaw châ ha hih. Ei siena lâ maihta Abeipa ta byhnâ a cha pie lymâ. Khatita ma ei chhôhkha châta ei patohpatia thei hra aw?” tah ta.

ZAWBÂ 42:12

Abeipa ta Zawbâ cha, a daihti hmiatuapa hlâta a daihti hnôhlâ liata byhnâ thata pie via ta, mietaku 14,000, râraoseihpa 6,000, viahchao tôhpa bao 1,000 nata alâ panô 1,000 a hnei.

HLAZY 67:6

Alei ta a kôvei papôhsa ta, Khazohpa, eima Khazohpa tlai ta byhnâ miah a pie aw.

HLAZY 72:16

Râh liata kô thata veih sala, Tlâhpizy liata sâh a chanei mawh sy. A thei cha Lebanaw hawhta châ sala, Khihpi chyhsazy chhao lyurâh sibiepa hawhta, Ama paw pakai mawh ei sy.

BIESOZY 10:22

Abeipa byhnâ cha chyhsa pahneirôhsa ta, Pachârôhna baichha tyh vei.

BIECHHOTUHPA 11:6

My ta chi tu la, zâlâ chhao na ku pako thlâh ha khah y. Kheihawhpa ma a pyuh aw, he he ma, hao hao ma, a miano ta ama pha aw ma, tahpa zy pahno va chi.

ZEKARIA 8:12

“Thlalôhna chi tupa a châ bâ aw. Kre zôh ta a thei papua aw ta, chhaohlei ta kôvei papuapa ta, avâ ta diati a patlasa aw. He hmo zydua he phopi laibâhpazy hnohta ama ryuto châta ei pie aw ei.

MATHAI 13:23

Lei phapa liata chi hiepa deikua cha, bie cha thei ta a pahno thaipa a châ. Thei pathei ta, thokha a lie za kha, thokha a lie sycharu nata thokha a lie sythôh ta a pathei tyh,” tah ta.

MATHAI 13:8

Chi hropazy cha, alei phapa liata tla ei ta, thokha a lie za kha ta, thokha a lie sycharu ta, thokha a lie sythôh ta thei ama pathei.

MÂKA 4:8

Chi hropazy cha alei phapa liata tla ei ta, pyuh ei ta ama laiseih lymâ. Thei pathei ei ta, a lie sythôh, a lie sycharu nata a lie za kha ta ama pôh lymâ,” tah ta.

1 KAWRINI 3:6

Kei ta loh na ta, Apawlôsâ ta ti bao ta, Khazohpa ta a palaiseihsa.